იუსტიციის მინისტრმა რატი ბრეგაძემ პარლამენტში მინისტრის საათის ფარგლებში სიტყვის გამოსვლისას ისაუბრა ახალი პენიტენციური კოდექსის პროექტის შესახებ, რომელიც უკვე ინიცირებულია საკანონმდებლო ორგანოში.

„2012 წლის არჩევნების შემდეგ საქართველოში მოვიდა ადამიანის ღირსებაზე ორიენტირებული ხელისუფლება, რომლის მთავარი ღირებულება ადამიანია. საზოგადოებამ ნათლად იხილა პენიტენციურ სისტემაში გატარებული წარმატებული რეფორმების შედეგები. მუდმივი ზრუნვის საგანია ინფრასტრუქტურული პირობების მისადაგება თანამედროვე, მაღალ საერთაშორისო სტანდარტებთან. რაღა თქმა უნდა, მთავარი საზრუნავია თანამშრომლების ღირსეული სამუშაო პირობები, რაც მუდმივად უმჯობესდება. თუმცა, ჩვენ არ ვკმაყოფილდებით მიღწეულით, ყოველთვის ვეძებთ არსებულ გამოწვევებს და მათზე შესაბამის პასუხებს", – განაცხადა იუსტიციის მინისტრმა.

რატი ბრეგაძის თქმით, მსოფლიო ვითარდება, შესაბამისად, ვითარდება მიდგომები პენიტენციურ სისტემებთან მიმართებით, იუსტიციის სამინისტრო ფეხს უწყობს ამ პროგრესს, რისთვისაც შემუშავდა ახალი პენიტენციური კოდექსი.

ახალი პენიტენციური კოდექსის პროექტი აუმჯობესებს სპეციალური პენიტენციური სამსახურის მოსამსახურეთა შრომით პირობებს და პენიტენციურ დაწესებულებებში მყოფ პირთა უფლებრივი მდგომარეობა კიდევ უფრო მაღალ საფეხურზე აჰყავს.

ახალი პენიტენციური კოდექსის მიხედვით ბრალდებულს მიენიჭება:

• ხანგრძლივი პაემნის უფლება;
• ყველა სახის პაემანი გახდება სრულიად უფასო; გარდა საშიშროების მაღალი რისკის მსჯავრდებულებისა:
• ყველას ექნება უმაღლესი განათლების მიღების უფლება;
• იზრდება სატელეფონო საუბრების რაოდენობა და ხანგრძლივობა;
• გათანაბრდება ბრალდებულთა და მსჯავრდებულთა საცხოვრებელი პირობები;
• პენიტენციური სამსახურის ყველა დანაყოფს მიენიჭება სპეციალური სტატუსი, რაც თანამშრომელთა პირობებს გაათანაბრებს და გააუმჯობესებს;
• ფართოვდება სპეციალური წოდების მქონე პირთა წრე;
• მოსამსახურეები თანამდებობრივი და წოდებრივი სარგოს გარდა მიიღებენ წელთა ნამსახურობის დანამატს.
• ახალი პენიტენციური კოდექსის პროექტი შემუშავებულია კანონმდებლობის კოდიფიკაციის რეფორმის ფარგლებში.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს