„ჰოლოდომორისას“ ჩვენი განადგურება შიმშილით სურდათ, ახლა სიბნელითა და სიცივით,- ამის შესახებ უკრაინის პრეზიდენტმა, ვოლოდიმირ ზელენსკიმ „ჰოლოდომორის“ მსხვერპლთა ხსოვნის დღესთან დაკავშირებით, მიმართვა გაავრცელა. 

მისი თქმით, ამ ტრაგედიის შემდეგაც უკრაინელმა ხალხმა თავისუფლების სიყვარულის შემარჩუნება მაინც შეძლო.

"უკრაინელებმა საშინელი რამ გამოიარეს და ყველაფრის მიუხედავად, მათ შეინარჩუნეს დაუმორჩილებელი სული და თავისუფლების სიყვარული. მაშინ შიმშილით სურდათ ჩვენი განადგურება, ახლა - სიბნელითა და სიცივით.

ჩვენ არ გავტყდებით. ჩვენში ცეცხლი არ ჩაქრება. ჩვენ კვლავ დავამარცხებთ სიკვდილს",- განაცხადა ზელენსკიმ.

ცნობისთის, უკრაინაში ჰოლოდომორის მსხვერპლთა ხსოვნის დღედ ყოველ წელს, ნოემბრის მე-4 შაბათია მიჩნეული.

უკრაინაში მასობრივი შიმშილობა - ჰოლოდომორი 1932-33 წლებში იყო, როცა საბჭოთა ხელისუფლებამ უკრაინის მოსახლეობას კოლექტივებში შესვლა და სოფლის მეურნეობის პროდუქციის დათმობა აიძულა. შედეგად, რამდენიმე მილიონი ადამიანი დაიღუპა.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა