ევროკავშირი, უკრაინაზე მოსკოვის თავდასხმის საპასუხოდ, რუსეთის წინააღმდეგ სანქციების მე-9 პაკეტს ამზადებს,- ამის შესახებ ევროკომისიის ხელმძღვანელმა, ურსულა ფონ დერ ლაიენმა განაცხადა.

მისი თქმით, ევროკავშირი მუშაობს იმისთვის, რომ რუსეთს „კიდევ უფრო მეტად დაუქვეითოს უკრაინის წინააღმდეგ ომის წარმოების უნარი“.

„ჩვენ ვმუშაობთ იმისთვის, რომ დავარტყათ რუსეთს, ყველაზე მტკივნეულ ადგილას, რათა კიდევ უფრო მეტად დავაქვეითოთ უკრაინის წინააღმდეგ ომის წარმოების უნარი. დღეს შემიძლია განვაცხადო, რომ მთელი სისწრაფით ვმუშაობთ სანქციების მეცხრე პაკეტზე“,- განაცხადა ლაიენმა.

მისივე თქმით, მალე შესაძლებელი იქნება რუსული ნავთობის ფასების გლობალური ლიმიტის დამტკიცება G7-თან და სხვა მსხვილ პარტნიორებთან.

“ჩვენ არ დავისვენებთ, სანამ უკრაინა არ დაამარცხებს პუტინს და მის უკანონო და ბარბაროსულ ომს”,- დასძინა ლაიენმა.

შეგახსენებთ, რომ გუშინ ევროპარლამენტის წევრებმა სტრასბურგში პლენარულ სესიაზე მიიღეს რეზოლუცია, რომელიც რუსეთს ტერორიზმის სპონსორ სახელმწიფოდ აღიარებს.

რეზოლუციას მხარი 494-მა დეპუტატმა დაუჭირა, წინააღმდეგი იყო 58, ხოლო 44-მა თავი შეიკავა.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა