ხერსონის რეგიონში ყველა რუსი სამხედრო მოსამსახურე მდინარე დნეპრის მარცხენა სანაპიროზე გადავიდა. ამის შესახებ ინფორმაციას რუსული მედია, თავდაცვის სამინისტროზე დაყრდნობით იტყობინება. 

მათივე ცნობით, ოპერაცია მოსკოვის დროით 5:00 საათზე დასრულდა.

"მარჯვენა სანაპიროზე არც ერთი სამხედრო ტექნიკა და იარაღი არ დარჩენილა. რუსეთის შეიარაღებული ძალების ფორმირებებმა და სამხედრო ნაწილებმა დაიკავეს თავდაცვითი ხაზები და პოზიციები, რომლებიც წინასწარ იყო მომზადებული საინჟინრო თვალსაზრისით", - აღნიშნულია თავდაცვის სამინისტროს განცხადებაში. 

ტრანსფერი პერსონალისა და ტექნიკის დაკარგვის გარეშე განხორციელდა.

ცნობისთვის, გუშინ, 10 ნოემბერს გავრცელდა ინფორმაცია, რომ რუსულმა სამხედრო დანაყოფებმა უკრაინის ხერსონის რეგიონში მდინარე დნეპრის მარცხენა ნაპირზე გადასვლა დაიწყეს.

იქამდე, 9 ნოემბერს რუსულმა მედიამ თავდაცვის მინისტრზე, სერგეი შოიგუზე დაყრდნობით გაავრცელა ინფორმაცია, რომ რუსეთს ხერსონიდან შეიარაღებული ძალები გაჰყავდა. 

ვოლოდიმირ ზელენსკის თქმით, სამხრეთით შეიარაღებული ძალები ფრთხილად მიიწევენ წინ, რათა კონტრშეტევა მინიმალური დანაკარგებით წარიმართოს, რადგან მტერი უბრძოლველად არ აპირებს პოზიციების დათმობას.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის