აშშ-ის პრეზიდენტი ჯო ბაიდენი უკრაინის პრეზიდენტს ვოლოდიმირ ზელენსკის ტელეფონით ესაუბრა. 

მან დაგმო რუსეთის სარაკეტო დარტყმები უკრაინის ტერიტორიაზე, მათ შორის კიევზე და პირობა დადო, რომ გააგრძელებს უკრაინას მხარდაჭერას. 

როგორც თეთრი სახლის განცხადებაშია აღნიშნული, კერძოდ, საუბარი იყო მოწინავე საჰაერო თავდაცვის სისტემების გადაცემაზე. 

ბაიდენმა ასევე ხაზი გაუსვა მის მუდმივ ჩართულობას მოკავშირეებთან და პარტნიორებთან, რათა გააგრძელოს რუსეთისთვის სანქციების დაკისრება, რუსეთის პასუხისმგებლობის დაკისრება მის სამხედრო დანაშაულებებზე და სისასტიკეებზე და უზრუნველყოს უკრაინას უსაფრთხოების, ეკონომიკური და ჰუმანიტარული დახმარება.

"პროდუქტიული საუბარი მქონდა აშშ-ს პრეზიდენტ ჯო ბაიდენთან. განხილვის მთავარი თემა იყო საჰაერო თავდაცვა. ახლა ეს არის ნომერ პირველი პრიორიტეტი ჩვენი თავდაცვის სფეროში თანამშრომლობისთვის", - აღნიშნა უკრაინის პრეზიდენტმა.

მან დასძინა, რომ ამერიკის ხელმძღვანელობა უკრაინისთვის ძალიან მნიშვნელოვანია G7-ის მკაცრი პოზიციისა და გაეროს გენერალურ ასამბლეაზე უკრაინის რეზოლუციის მხარდაჭერაში.

ცნობისთვის, 10 ოქტომბერს, დილით, რუსმა დამპყრობლებმა უკრაინის ტერიტორიაზე 84-ზე მეტი სარაკეტო და საჰაერო დარტყმა განახორციელეს. 

ავტორი: ექსპრესნიუსი,

სოციალური ქსელები

კობახიძემ მოიტყუა როცა თქვა, რომ 2011 წლის აქციის დარბევაზე დასავლეთს და ევროპულ სტრუქტურებს რეაქცია არ ჰქონიათ

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა