ნიგერიის სამხრეთ-აღმოსავლეთ ნაწილში მდებარე ანამბრას შტატში ნავის გადაბრუნების შედეგად სულ მცირე 76 ადამიანი დაიღუპა. 

BBC-ის ცნობით, ნავზე 80-ზე მეტი ადამიანი იმყოფებოდა. დაღუპულთა დიდი ნაწილი კი, ქალები და ბავშვები არიან, რომლებიც საცხოვრებლებს წყალდიდობის გამო ტოვებდნენ.

ზოგიერთი ოფიციალური პირის თქმით, ნავი გადაბრუნებამდე ხიდს შეეჯახა.

ნიგერიის პრეზიდენტმა, მოჰამადუ ბუჰარიმ შემთხვევას ტრაგიკული უწოდა და დაღუპულთა ოჯახებს მიუსამძიმრა.

პრეზიდენტმა წყლის სატრანსპორტო სისტემაში უსაფრთხოების ზომების გადახედვის აუცილებლობას გაუსვა ხაზი და სამთავრობო უწყებებს, მსგავსი ინციდენტების თავიდან ასაცილებლად, უსაფრთხოების პროტოკოლის შესწავლა დაავალა.

ბუჰარიმ ასევე თქვა, რომ გადაუდებელი შემთხვევების სამსახურებმა უგზო-უკვლოდ დაკარგულთა მოსაძებნად ყველაფერი უნდა გააკეთონ. 

ავტორი: ექსპრესნიუსი,

სოციალური ქსელები

ზურაბიშვილი: რატომ გახდა ეს ქვეყანა ტრაგედიის, სიკვდილის, უსამართლობის, სიძულვილისა და სისასტიკის ქვეყანა?

კლინიკის ინფორმაციით, ბათუმში, გუშინ დაჭრილი მამაკაცის ჯანმრთელობის მდგომარეობა მძიმეა და ის მართვით სუნთქვაზე იმყოფება

სააკაშვილი: ვახო სანაიას დაპატიმრება საზოგადოების დაშინებისა და მედიის წინააღმდეგ დიდი გეგმის ნაწილია

საია: ოქრიაშვილზე თავდასხმა სახელმწიფოს მიერ შექმნილი ძალადობრივი გარემოს შედეგია