ზურაბ აზარაშვილი დმანისის მუნიციპალიტეტში იმყოფებოდა, სადაც ცენტრალურ საავადმყოფოში არსებულ მდგომარეობას და საჭიროებებს გაეცნო. აღნიშნულ ინფორმაციას ჯანდაცვის სამინისტრო ავრცელებს.

უწყების ცნობით, მინისტრმა ადგილობრივი მოსახლეობისთვის, ხარისხიანი და ეფექტური სამედიცინო სერვისების მიწოდების მიზნით დმანისის საავადმყოფოს განვითარების მნიშვნელობას გაუსვა ხაზი.  ჯანდაცვის სამინისტრომ კლინიკას სრულიად ახალი და თანამედროვე რენტგენის აპარატურა უკვე გადასცა. იგეგმება კლინიკის ინფრასტრუქტურის განვითარება და შესაბამისი სამედიცინო აპარატურით აღჭურვა.  

ზურაბ აზარაშვილი დმანისის მუნიციპალიტეტის სოფელ ამამლოს ამბულატორიაშიც იმყოფებოდა, სადაც ტელემედიცინის პროგრამას გაეცნო. პროექტი სოფლად მცხოვრები მოსახლეობისთვის, პირველადი ჯანდაცვის სერვისებზე ხელმისაწვდომობის გაზრდას ისახავს მიზნად. ტელემედიცინის პორტატიული აპარატი უკვე 27 სოფლის ამბულატორიაშია დამონტაჟებული, წლის ბოლომდე კი პროექტი, ქვეყნის მასშტაბით, 50 ამბულატორიაში ამოქმედდება.  

ზურაბ აზარაშვილთან ერთად, დმანისის მუნიციპალიტეტში, მინისტრის მოადგილე ილია ღუდუშაური, ჯანდაცვის სამინისტროს ადმინისტრაციის უფროსი გიორგი ენუქიძე, რეგიონული ჯანდაცვის ცენტრის დირექტორი გიორგი აბაიაძე და სოფლის ექიმის სახელმწიფო პროგრამის ხელმძღვანელი მინდია ღლონტი იმყოფებოდა. სამედიცინო დაწესებულებები, მათთან ერთად, დმანისის მუნიციპალიტეტის მერმა კობა მურადაშვილმა და საკრებულოს თავმჯდომარე პაატა ყულიაშვილმა დაათვალიერეს.

ავტორი: NS (სტატია დაფინანსებულია),

სოციალური ქსელები

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება

ამერიკელმა სენატორები რუსეთის წინააღმდეგ „ჯოჯოხეთურ სანქციებზე“ შეთანხმდნენ

WSJ: ტრამპი იმედგაცრუებულია პუტინით ომის სწრაფად მოგების შესახებ მისი დაპირებების შეუსრულებლობის გამო