„თბილისობა 2022“-ის ფარგლებში, დედაქალაქს 14 ქალაქის დელეგაცია ეწვია. თბილისის მერმა კახა კალაძემ მუნიციპალიტეტის მერიაში ბაქოს მერს ელდარ აზიზოვს, ზაარბრიუკენის მერს უვე კონდრატს და რომის მერის მრჩეველს საერთაშორისო ურთიერთობების საკითხებში ანნის გაბრიელე ფილიპს უმასპინძლა.

კახა კალაძემ დელეგაციის წევრებს ვიზიტისთვის მადლობა გადაუხადა და იმედი გამოთქვა, რომ სტუმრებს „თბილისობის“ დღესასწაულისადმი დაგეგმილი ღონისძიებები მოეწონებათ. უცხოელ კოლეგებთან შეხვედრაზე თბილისის მერმა ასევე, დაძმობილებულ ქალაქებთან ურთიერთობების განვითარების მნიშვნელობაზე ისაუბრა და მათ წარმომადგენლებს მხარდაჭერისა და თანადგომისთვის მადლობა გადაუხადა.

„თბილისი ულამაზესი ქალაქია თავისი კულტურით, ტრადიციებით, შენობა-ნაგებობებით. ვცდილობთ, ქალაქში არსებული ინფრასტრუქტურა კიდევ უფრო მოვაწესრიგოთ, გავალამაზოთ ქუჩები, რაც ძალიან მნიშვნელოვანია. ყველა, ვინც თბილისს ერთხელ მაინც ეწვია, შეყვარებულია მასზე და დარწმუნებული ვარ, აქ გატარებული დღეები თქვენც მოგეწონებათ, მოიხიბლებით ქართული კულტურით, სამზარეულოთი და ღვინით, რომლითაც ვამაყობთ. მინდა, მადლობა გადაგიხადოთ მხარდაჭერისა და იმ თანამშრომლობისთვის, რომელიც ჩვენს ქალაქებს შორის არსებობს. დარწმუნებული ვარ, დედაქალაქში ვიზიტით ძალიან ისიამოვნებთ“, - განაცხადა კახა კალაძემ.

დედაქალაქის მერმა დელეგაციის წარმომადგენლებთან შეხვედრაზე ქალაქებს შორის არსებული თანამშრომლობის გაღრმავების მნიშვნელობასა და სამომავლოდ დაგეგმილ ორმხრივ პროექტებზე გაამახვილა ყურადღება.

თავის მხრივ, რომის მერიის წარმომადგენელმა, ასევე, ბაქოსა და ზაარბრიუკენის მერებმა კახა კალაძეს თბილისში მოწვევისთვის მადლობა გადაუხადეს.

ავტორი: NS (სტატია დაფინანსებულია),

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება