თბილისის მერი კახა კალაძე „ტვ პირველის“ ცრუ ინფორმაციის გავრცელებაში ადანაშაულებს და წამყვან მაია მამულაშვილის სასამრთლოში უჩივის. 

როგორც ადვოკატმა დიმიტრი გაბუნიამ განაცხადა, "ტვ პირველის“ წამყვანმა პირდაპირ ეთერში კახა კალაძე კორუფციაში დაადანაშაულა, რის გამოც კახა კალაძე  საჯაროდ გავრცელებული ინფორმაციის უარყოფას და 100 000 ლარის დაკისრებას ითხოვს.

„სად გადის ზღვარი გადამოწმებულ, გადაუმოწმებელ ინფორმაციას, ცილისწამებას შორის, ეს ერთხელ და სამუდამოდ სასამართლომ უნდა დაადგინოს. 2022 წლის 5 ივნისს „ტვ პირველის“ ეთერში გავიდა მაია მამულაშვილის საავტორო გადაცემა „დღის ამბები“, სადაც ჟურნალისტის მიერ გაკეთებულ იქნა შემდეგი შინაარსის განცხადება: „კახა კალაძემ მხოლოდ ერთი ტენდერიდან 60 მილიონი მიიღო, ეს არის ოფიციალური ინფორმაცია, მე არ ვიგონებ, 60 მილიონი ჩაიდო ჯიბეში კახა კალაძემ, დოკუმენტებია, ჩვენ არ დაგვიწერია ის დოკუმენტები“, - აქ არაა წყაროზე დაყრდნობით გავრცელებული ინფორმაცია, რისი უფლებაც სრულად აქვთ ჟურნალისტებს. რამდენჯერმე დამაჯერებელ ფორმაში თქვა ჟურნალისტმა, რომ 60 მილიონი ჩაიდო ჯიბეში და ამაზე არსებობს კონკრეტული დოკუმენტაცია“, - განაცხადა ადვოკატმა.

ცნობისთვის, 20 ივნისს კახა კალაძემ მიმართა თბილისის საქალაქო სასამართლოს სარჩელით ცილისმწამებლური ცნობების უარყოფისა და მორალური ზიანის ანაზღაურების თაობაზე. სარჩელი 2022 წლის 24 აგვისტოს „ტვ პირველს“ და მაია მამულაშვილს ჩაბარდა საკურიერო ფოსტის მეშვეობით. 

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი