იაპონიის მთავრობამ რუსეთის ფედერაციის წინააღმდეგ ახალი სანქციები დააწესა, რომელიც 130-ზე მეტ ადამიანსა და 70 კომპანიას შეეხო.

იაპონიის სანქცირებულთა სიაში რუსეთის პრემიერ-მინისტრი, რუსეთის ფედერაციის უშიშროების საბჭოს მდივნის მოადგილე რაშიდ ნურგალიევი, LDNR-ის ლიდერები, ასევე ბიზნესმენ გენადი ტიმჩენკოს ნათესავები.

იაპონიის მთავრობამ ასევე შემოიღო მთელი რიგი საექსპორტო შეზღუდვები. სანქციები შეეხება კომპანიებსა და ორგანიზაციებს, რომლებიც დაკავშირებულია რუსეთის თავდაცვის სექტორთან, მათ შორის Almaz-Antey და Tactical Missile Corporation.

ცნობისთვის, იაპონიის პრემიერ-მინისტრმა კიშიდა ფუმიომ 20 აპრილს განაცხადა, რომ იაპონიის მთავრობა უკრაინას 300 მილიონი დოლარის სესხს გაუგზავნის, ასევე  გამოუგზავნის სადაზვერვო თვითმფრინავებს , გაზის ნიღბებს და სხვა დამცავ აღჭურვილობას ქიმიური იარაღის შეტევის შემთხვევაში.

პოლიტიკოსის თქმით, უკრაინაში ომის გამო, ტოკიო  წლის ბოლომდე გადახედავს ეროვნული უსაფრთხოების სტრატეგიას  და კიდევ ორ ძირითად დოკუმენტს თავდაცვისუნარიანობის ასამაღლებლად.

გარდა ამისა, იაპონია დაუბრუნდა მკაცრ პოზიციას კურილის კუნძულების სტატუსთან დაკავშირებით. 2003 წლის შემდეგ პირველად, ქვეყნის საგარეო საქმეთა სამინისტრომ  ეს ტერიტორია რუსეთის მიერ უკანონოდ ოკუპირებულად უწოდა .

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის