კასპში 9 აპრილის სახელობის სკვერში,  ქვეყნის დამოუკიდებლობისათვის მებრძოლი ეროვნული გმირის მერაბ კოსტავას ბიუსტი ადგილობრივი ხელისუფლების და კასპის საზოგადოების წარმომადგენლებმა გვირგვინით და ტიტების თაიგულებით შეამკეს. ამით პატივი მიაგეს1989 წლის 9 აპრილის სამშობლოს დამოუკიდებლობისათვის დაღუპულ გმირთა ხსოვნას.

9 აპრილს დაღუპულთა სულის მოსახსენიებელი პანაშვიდი,  კასპის წმინდა გიორგის სახელობის  ეკლესიის მამაო ლევანმა ეკლესიის მგალობელთა ფონზე გადაიხადა.

ღონისძიების ორგანიზება მუნიციპალიტეტის მერიის განათლების, კულტურისა და სპორტის სამსახურმა უზრუნველყო.

33 წელი  გავიდა 1989 წლის 9 აპრილის საშინელი ტრაგედიიდან, როდესაც რუსთაველის გამზირზე საბჭოთა კავშირის შინაგანი ჯარის ნაწილებმა ნიჩბების, მხუთავი გაზის და ცეცხლსასროლი იარაღის გამოყენებით 10 000 კაციანი მშვიდობიანი საპროტესტო აქცია უსასტიკესად დაარბიეს.

9 აპრილის ტრაგედიამ 21 ადამიანის სიცოცხლე შეიწირა, რაც საქართველოს ისტორიაში საქართველოს დამოუკიდებლობის აღდგენით დასრულდა.

9 აპრილი საქართველოს ისტორიაში ორ უმნიშვნელოვანეს მოვლენას აერთიანებს 1989 წლის 9 აპრილის ტრაგედიას და 1991 წლის  დამოუკიდებლობის აღდგენას, რომელიც1918 წლის  წლის 26 მაისს მიღებულ საქართველოს დემოკრატიული რესპუბლიკის დამოუკიდებლობის აქტს დაეფუძნა.

ავტორი: NS (სტატია დაფინანსებულია),

სოციალური ქსელები

მიხეილ სარჯველაძე Roche-ს ფარმაცევტული მიმართულების აღმასრულებელ დირექტორს შეხვდა, რომელიც ონკოლოგიურ და დიუშენის დისტროფიის სამკურნალო წამლებს აწარმოებს

ვისაუბრეთ ურთიერთობების პერსპექტივებზე – ბოჭორიშვილი აშშ-ს დროებით რწმუნებულს შეხვდა

დაჭრა 2 ადამიანი და ადგილიდან მიიმალა - გორში მომხდარზე შსს-მ 1 პირი დააკავა

თბილისში არასრულწლოვანმა, ცივი იარაღის გამოყენებით, ტაქსის მძღოლი დაჭრა - კონფლიქტი მგზავრობის საფასურის გამო მოხდა