საგარეო საქმეთა და უსაფრთხოების პოლიტიკის სფეროში ევროკავშირის უმაღლესი წარმომადგენელი, ჯოზეფ ბორელი რუსი ოკუპანტების მიერ კრამატორსკის რკინიგზის სადგურის დაბომბვას განცხადებით ეხმაურება.

როგორც ბორელი აღნიშნავს, ეს მორიგი მცდელობაა, გაქცევის გზები გადაუკეტონ მათ, ვინც გაურბის გაუმართლებელ ომსა და ადამიანთა ტანჯვას.

„დღეს დილით კრამატორსკის რკინიგზის სადგურზე რუსეთის მხრიდან თავდასხმას განურჩევლად სამიზნისა - მკაცრად ვგმობ. თავდასცმის შედეგად ათობით ადამიანია მოკლული და უფრო მეტი დაშავებული. ეს მორიგი მცდელობაა, გაქცევის გზები გადაუკეტონ მათ, ვინც გაურბის გაუმართლებელ ომს, ადამიანების ტანჯვას“, - წერს ჯოზეფ ბორელი.

ცნობისთვის, რუსმა ოკუპანტებმა კრამატორსკში რკინიგზის სადგური მაშინ დაბომბეს, როცა ასობით ადამიანი გაქცევას ცდილობდა. დონეცკის ოლქის გუბერნატორი პაველ კირილენკო აცხადებს, რომ დარტყმა რუსული რაკეტით ისკანდერით განხორციელდა. BBC-ის ცნობით, ამ დროისთვის დაღუპულია 39 ადამიანი, მათ შორის 4 ბავშვი.

ავტორი: ექსპრესნიუსი,

სოციალური ქსელები

ვეტერანი სენატორი, რესპუბლიკელი ლინდსი გრემი გარდაიცვალა

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები