300-მა ჯარისკაცმა  საქართველოს ოკუპირებული ტერიტორიიდან ე.წ. სამხრეთ ოსეთიდან უარი თქვა უკრაინაში პუტინისთვის ბრძოლაზე. მათ გადაწყვიტეს არ დაემორჩილებინათ რუსების ბრძანება და სახლში დაბრუნდნენ

ოსი ჟურნალისტის თქმით, უკრაინაში გაგზავნის გამო სამხრეთ ოსეთი არსებითად დარჩა თავისი სამხედროების უმეტესობის გარეშე, რამაც უკმაყოფილების მნიშვნელოვანი ტალღა გამოიწვია. და ერთ-ერთი ბოლო წვეთი იყო ინციდენტი, როდესაც ერთმა მეთაურმა აუკრძალა ოსებს გარდაცვლილი თანამებრძოლის ცხედრის გატანა ბრძოლის ველიდან.

გარდა ამისა, რუსეთი ელოდა, რომ ოსები კამიკაძეების სტილში კარგად დაცულ უკრაინულ პოზიციებზე შეტევას აპირებდნენ, მაგრამ ასეთ სიგიჟეზე არ წასულან. მაშინ რუსეთის ფედერაციამ უარი თქვა ოსურ ქვედანაყოფს საბრძოლო მასალისა და რუკების მიწოდებაზე.
ოკუპირებული ცხინვალის ყოფილი მარიონეტი პრეზიდენტი, ედუარდ კოკოითი მხარდამჭერებთან შეხვედრისას ამბობს, რომ უკრაინაში საომრად გაგზავნილ სამხედროებს "ელემენტარული პირობები" უნდა ჰქონდეთ. ინფორმაციას Эхо Кавказа ავრცელებს.  

"ეს საზარბაზნე ხორცი არ არის, ძალიან ცოტანი ვართ, ჩვენ, პრაქტიკულად, უკვე გენოფონდი დავკარგეთ". - თქვა მან მედიის ცნობით. 

კოკოითი ამბობს, რომ უკრაინაში სამხედროები, შესაძლოა, დაიღუპონ და ეს ის ახალგაზრდობაა, რომელიც "ახლა დგება ფეხზე". კოკოითიმ ისაუბრა უკრაინაში ოკუპანტების მხარეს მებრძოლ, დაღუპულ ანდრეი ბაკაევზე, რომელსაც, მისი ინფორმაციით, შვილი დარჩა. 

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა