შუახევის მუნიციპალიტეტის მერი ჟურნალისტთა პროექტის „სამოქალაქო საზოგადოების ინიციატივის“ პროექტის ფარგლებში, არასამთავრობოებს შეხვდა

2022-03-24 21:28:28, 1224 ნახვა

რეგიონი

შუახევის მუნიციპალიტეტის მერი, ომარ ტაკიძე თავისუფალ ჟურნალისტთა პროექტის „სამოქალაქო საზოგადოების ინიციატივის“ პროექტის ფარგლებში, არასამთავრო ორგანიზაციების ,,თავისუფალ ჟურნალისტთა სახლი"-ს, CENN-ისა და ,,ეკოვიტა"-ს წარმომადგენლებს შეხვდა. ამის შესახებ განცხადებას შუახევის მუნიციპალიტეტის მერია ავრცელებს.

მერიის ცნობით, ორგანიზაციების წარმომადგენლებმა, რომლებიც საგანმანათლებლო, გარემოს დაცვისა და აგრარული მიმართულებით საკითხებზე მუშაობენ, ადგილობრივი თვითმმართველობის წარმომადგენლებს მათი საქმიანობის შესახებ ინფორმაცია მიაწოდეს და ისაუბრეს განხორციელებულ და მიმდინარე პროექტებზე.

,,საინფორმაციო სახის შეხვედრაზე, მიმდინარე მნიშვნელოვანი საკითხები განიხილეს და მხარეები, სამომავლო თანამშრომლობაზე შეთანხმდნენ. შეხვედრას, მერის მოადგილეები და თანამშრომლები ესწრებოდნენ", - აღნიშნულია განცხადებაში.