2022-03-23 15:07:21, 723 ნახვა

---

რუსეთი ომში დაღუპული სამხედროების რაოდენობას არ ასახელებს და ამბობს, რომ გაასაჯაროებს მაშინ, „როცა საჭიროდ ჩათვლის“

როდესაც სამხედროები ჩათვლიან საჭიროდ, დამატებით ინფორმაციას გაავრცელებენ, - ასე უპასუხა კრემლის სპიკერმა, დიმიტრი პესკოვმა ჟურნალისტის შეკითხვას, როდის გამოაქვეყნებს თავდაცვის სამინისტრო დაღუპული და დაჭრილი სამხედროების შესახებ ინფორმაციას. 

„მართლაც, ერთხელ იყო გავრცელებული ინფორმაცია თავდაცვის სამინისტროს მიერ, თუმცა, როგორც უკვე ვთქვით, ეს პრეროგატივა ბოლომდე ეკუთვნით მხოლოდ მათ, კერძოდ, ჩვენს სამხედროებს.როდესაც ისინი საჭიროდ ჩათვლიან, გაავრცელებენ დამატებით ინფორმაციას", - განაცხადა კრემლის სპიკერმა.

ცნობისთვის, რუსეთის თავდაცვის სამინისტრომ სამხედრო დანაკარგის შესახებ ინფორმაცია, ომის დაწყებიდან მხოლოდ ერთხელ, მარტის დასაწყისში გაავრცელა და განაცხადა, რომ დაღუპული იყო მათი 498 სამხედრო, დაშავებული კი 1 597. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი