დღეს, აშშ-ის პრეზიდენტის,  ჯო ბაიდენის ადმინისტრაცია რუსეთის ფედერაციის წინააღმდეგ სრულმასშტაბიანი სანქციების დაწესებას გეგმავს. ინფორმაციას CNN-ს ადმინისტრაციის მაღალჩინოსანი უდასტურებს.

ოფიციალურმა პირმა დეტალების დასახელებისგან თავი შეიკავა, თუმცა ცნობილია, რომ აშშ ფინანსური სანქციების გამოყენებას აპირებს, რითიც სურს, რუსეთს შეუწყდეს წვდომა კრიტიკულ დასავლურ ტექნოლოგიებზე, რაც რუსულ ეკონომიკას დიდ დარტყმას მიაყენებს. 

გარდა ბანკებისა, სანქციები შეეხებათ რუსეთის პრეზიდენტის, ვლადიმერ პუტინის ახლო გარემოცვის დამატებით წევრებსა და მათ ოჯახის წევრებს. 

როგორც აშშ-ის პრეზიდენტმა, ჯო ბაიდენმა განაცხადა, სანქციების საკითხზე ხვალ, „დიდი შვიდეულის“ ქვეყნების ლიდერებთან და მოკავშირეებთან ერთად იმსჯელებენ. 

ცნობისთვის, რუსეთის პრეზიდენტმა ვლადიმერ პუტინმა დონბასში სამხედრო ოპერაციის დაწყების შესახებ განაცხადა. უკრაინის რამდენიმე ქალაქში აფეთქების ხმა ისმის. უკრაინის პრეზიდენტმა, ვლადიმირ ზელენსკიმ უკრაინაში საომარი მდგომარეობა გამოაცხადა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს