უკრაინის პრეზიდენტმა, ვოლოდიმირ ზელენსკიმ ესტონეთის რესპუბლიკის პრეზიდენტ, ალარ კარისთან კიევში გამართული მოლაპარაკებების შემდეგ მედიის წარმომადგენლებთან საუბრისას განაცხადა, რომ მსოფლიომ არ უნდა დაუშვას ისეთი შეცდომის განმეორება, როგორიც 2008 წელს საქართველოში მოხდა.

მისივე თქმით, ტერორისტული ჯგუფების მიერ უკრაინის ტერიტორიების დროებითი ოკუპაცია არის აგრესიის ახალი აქტი სახელმწიფოს წინააღმდეგ, რომელიც საერთაშორისო პარტნიორებისა და საერთაშორისო საზოგადოებისგან დაუყოვნებლივ და გადამწყვეტ პასუხს მოითხოვს.

უკრაინის პრეზიდენტის განცხადებით, რუსეთის გადაწყვეტილება არღვევს ყველა შესაძლო ორმხრივ და მრავალმხრივ საერთაშორისო ვალდებულებასა და გაეროს უშიშროების საბჭოს 2015 წლის 17 თებერვლის რეზოლუციას, უკრაინის შესახებ.

„ეს უკრაინის წინააღმდეგ აგრესიის ახალი აქტია, რომელიც მოითხოვს დაუყოვნებლივ და გადამწყვეტ პასუხს საერთაშორისო პარტნიორებისა და საერთაშორისო საზოგადოებისგან. მიგვაჩნია, რომ რუსეთის ფედერაციის ეს გადაწყვეტილება ქმნის სამართლებრივ საფუძველს უკრაინის სახელმწიფოს წინააღმდეგ შემდგომი შეიარაღებული აგრესიისთვის. ჩვენ ვიზიარებთ საერთო შეხედულებას, რომ რუსეთის ესკალაცია უკრაინის გარშემო უპრეცედენტო გამოწვევაა ევროპისა და ზოგადად მსოფლიოსთვის. სწორედ უკრაინაში წყდება ევროპის უსაფრთხოების მომავალი, რომლის ნაწილიც უკრაინაა. ჩვენ შევთანხმდით უკრაინის წინააღმდეგ აგრესიის მორიგი აქტის გამო სანქციების დაუყონებლივ დაწესების აუცილებლობაზე. ეს სანქციები უნდა მოიცავდეს Nord Stream 2-ის სრულ შეჩერებას. გარდა ამისა, დღეს უკრაინას უფრო მეტად სჭირდება პარტნიორების მხარდაჭერა თავდაცვის შესაძლებლობებისა და ეკონომიკური მხარდაჭერის, ეკონომიკური სტაბილურობის კუთხით“, - განაცხადა ვოლოდიმირ ზელენსკიმ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს