რუსთავში, ოპოზიციის ნაწილის რუსთავის მერობის კანდიდატის, დავით კირკიტაძის საარჩევნო შტაბთან ქართული ოცნების და ოპოზიციის მხარდამჭერებს შორის დაპირისპირება მოხდა. 

ოფისის თანამშრომლების თქმით, იქ მისულმა ადამიანებმა დავით კირკიტაძისთვის დარტყმაც სცადეს, რა დროსაც შტაბის ერთ-ერთი წევრი გაშველებას ცდილობდა და ამ დროს დაზიანდა.

დავით კირკიტაძე, ენმ-ის წევრები და მხარდამჭერები რუსთავში, პოლიციის განყოფილებაში იმყოფებიან. 

როგორც კირკიტაძემ აღნიშნა, დამნაშავეები სწორედ ის ადამიანები არიან ვინც „ცოცხების აქცია“ მოაწყო. მისი თქმით, დაშავებული პირებიდან ორის მდგომარეობა შედარებით მძიმეა.

„იდენტიფიცირებული არიან დამნაშავეები. ეს ის ადამიანები გახლავთ, ვინც „ცოცხების აქცია“ მოაწყო და მაშინ პოლიციას რეაგირება არ მოუხდენია, რადგან ეს პირები მათი აგენტები არიან. „ნაციონალური მოძრაობის“ მხრიდან დაზარალებულებიც არიან და ისინი ახლა დაკითხვაზე გადაჰყავთ. მივმართავ ყველა ქვეყნის საელჩოს და დიპლომატიურ მისიებს, ეუთო/ოდირის გრძელვადიან დამკვირვებლებს, რომლებიც ჩამოდიან და ხშირად იმყოფებიან აქ, ამ ფაქტს თუ რეაგირება არ მოჰყვა, გარწმუნებთ, არავითარი ნდობა არჩევნების პროცესსა და სამართალდამცავებს არ ექნებათ ჩვენი მხრიდან“, - ამბობს დავით კირკიტაძე.  

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა