„ვაზიანში ერთობლივი საწვრთნელი ცენტრის გასახსნელად გადაწყვეტილება საქართველომ უნდა მიიღოს და არა ნატომ“, – ამის შესახებ ნატო–ს გენერალური მდივნის სპეციალურმა წარმომადგენელმა კავკასიასა და ცენტრალურ აზიაში ჯეიმს აპატურაიმ „საზოგადოებრივ მაუწყებელში“ განაცხადა. 

მისივე თქმით,  ნატოს მინისტერიალის დასრულების შემდეგ საქართველოში ექსპერტები ჩამოვლენ და ქართულ მხარეს შესაბამის რჩევებს მისცემენ. 

„საბოლოო გადაწყვეტილება რა თქმა უნდა საქართველომ უნდა მიიღოს და არა ნატო–მ. ეს არის საქართველოს ტერიტორია. მინისტერიალის დასრულების შემდეგ ძალიან მალე საქართველოში გავაგზავნით  ექსპერტების ჯგუფს.  მათ უნდა მისცენ ქართულ მხარეს რჩევები და რეკომენდაციები. საჭიროა აღჭურვილობა და ინფრასტრუქტურა. მე ვეთანხმები ქართველ კოლეგებს, რომ ადგილი უნდა შევარჩიოთ იმის მიხედვით, თუ რას უნდა ემსახურებოდეს ეს ერთობლივი ცენტრი და ამისთვის შევარჩიოთ საუკეთესო ადგილი. ჩვენ საბოლოო მონახაზის გაკეთება ჯერ კიდევ გვჭირდება“, – აღნიშნა აპატურაიმ. 

კითხვაზე, რა იქნება საწვრთნელი ცენტრის მიზანი, აპატურაის განცხადებით, ის ალიანსის წევრი ქვეყნებისთვის საინტერესო უნდა იყოს. 

„ თუ რა იქნება საწვრთნელი ცენტრის მიზანი, ზუსტად ამაზე უნდა ჩამოვყალიბდეთ საბოლოოდ.  ისეთი ცენტრი უნდა გავაკეთოთ, ვგულისხმობ ისეთი შესაძლებლობებითა და ინფრასტრუქტურით, რომ ალიანსის წევრებისთვის და ჩვენი პარტნიორებისთვის საინტერესო იყოს.  არ გვინდა მაგალითად იყოს ისეთი, როგორიც ყველას აქვს.  ჩვენი მიზანია, ჩამოვაყალიბოთ ისეთი ცენტრი და ისეთი შეთავაზება გავაკეთოთ, რომელიც ალიანსის წევრი სახელმწიფოების და პარტნიორი ქვეყნების სამხედროებს საქართველოში როტაციით ჩამოიყვანს. მათთვის იქნება საინტერესო და მიმზიდველი.  ყველა ქვეყნის შესაძლებლობა სპეციფიურია. მაგალითად, ის, რაც შეიძლება გააკეთო ჩემს ქვეყანაში, ამის გაკეთება ძნელი იქნება საქართველოში, მაგრამ რისი გაკეთებაც შეიძლება საქართველოში, ის რთული იქნება ჩემს ქვეყანაში. ამიტომ, ზუსტად უნდა განვსაზღვროთ რა შეუძლია საქართველოს შემოგვთავაზოს", - აღნიშნა ჯეიმს აპატურაიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა