ეკონომიკისა და მდგრადი განვითარების მინისტრი ნათია თურნავა, სახელმწიფო რწმუნებულთან გურიის მხარეში გიორგი ურუშაძესთან და პარლამენტის თავმჯდომარის მოადგილე არჩილ თალაკვაძესთან ერთად ოზურგეთის მუნიციპალიტეტში მდებარე ჯინსების სამკერვალო ფაბრიკას ესტუმრა. 
ჯინსების სამკერვალო ფაბრიკის მფლობელ კომპანია "ოზურგეთი დენიმს" „აწარმოე საქართველოში" პროგრამის უძრავი ქონების გადაცემის კომპონენტის ფარგლებში მიწის ნაკვეთი რამდენიმე წლის წინ გადაეცა სიმბოლურ ფასად. კომპანია ამ ეტაპზე პროდუქციას აწარმოებს ისეთი ცნობილი ბრენდებისთვის, როგორებიცაა URBAN, PIECES, GINA TRICOT, LIU JO, NOISY MAY, VERO MODA, GEORGE, VERO MODA-CURVE, NEW LOOK, ONLY, CUBUS. ოზურგეთში შეკერილი პროდუქცია ევროპაში გადის ექსპორტზე. 
ნათია თურნავას თქმით, ინვესტორმა სრულად მოახდინა წლების წინ ნანგრევად ქცეული ადგილის რეაბილიტაცია, სადაც დღეს საწარმო მდებარეობს.
„დღეს საწარმოში დასაქმებულია 150 ადგილობრივი მცხოვრები, მათ შორის ძირითადად ქალბატონები. ამ ადამიანების მიერ შეკერილი პროდუქცია ევროპის სხვადასხვა ქვეყნებში გადის ექსპორტზე. მოხარული ვარ, რომ ამ ადამიანებს თავისი დაუღალავი შრომით საკუთარი წვლილი შეაქვთ ჩვენი ქვეყნის საექსპორტო პოტენციალის გაძლიერებაში. კომპანიას აქვს გაფართოების სურვილი და ჩვენ კვალავაც დავუდგებით მათ გვერდში. სწორედ ამისთვის არის ჩვენი ახალი პროგრამები, რომელიც ცოტა ხნის წინ დავაანონსეთ და რომელიც უკვე ამოქმედებულია. ეს არის საექსპორტო დარგებისა და ადგილობრივი ქართული წარმოების წახალისების პროგრამები. ჩვენი ყოველთვის დავეხმარებით რეგიონებში ინვესტორებს ასეთი პროექტების განხორციელებაში, ვინაიდან პირველ რიგში, ეს არის ჩვენი მოსახლეობის დასაქმება", - აღნიშნა ნათია თურნავამ.

ავტორი: NS (სტატია დაფინანსებულია),

სოციალური ქსელები

ვეტერანი სენატორი, რესპუბლიკელი ლინდსი გრემი გარდაიცვალა

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები