პრემიერის შეფასებით, ლარის კურსის ცვალებადობა, საგარეო ფაქტორებზეა დამოკიდებული

2015-02-02 17:04:59, 1981 ნახვა

ეკონომიკა

პრემიერ–მინისტრის ირაკლი ღარიბაშვილის განცხადებით, საქართველო მსოფლიო ეკონომიკის ნაწილია.
შესაბამისად, მისივე თქმით, ქვეყანაში ლარის კურსის ცვალებადობა, საგარეო ფაქტორებზეა დამოკიდებული.
„2 წლის წინ იმის პროგნოზირება, რომ უკრაინაში იქნებოდა ომი, ეკონომიკური კრიზისი, რომ რუსეთში იქნებოდა პრობლემები და კრიზისი, ამის წინასწარ განჭრეტა არავის სძალუძს. შესაბამისად, ჩვენ მივდივართ გეგმის მიხედვით. ის, რომ ჩვენმა მთავრობამ მოახერხა და წინა წელს ეკონომიკური ზრდის მაჩვენებელი 4.7–4.8% დაფიქსირდა, ეს არის ძალიან დიდი წარმატება, იმ ვითარებაში, როცა წამყვანი ევროპული სახელმწიფოების და წარმატებული ეკონომიკის ქვეყნების ზრდა 3%-ზე დაბალი იყო. წელს ასევე ვგეგმავთ მნიშვნელოვან ზრდას.
ჩვენ ვართ მიერთებული მსოფლიო ეკონომიკასთან. მაგრამ ჩვენ ყველაფერს ვაკეთებთ იმისათვის, რომ საქართველოსთვის მაქსიმალურად წარმატებული წელი იყოს. თუმცა, ჩვენ რა თქმა უნდა დამოკიდებულები ვართ საგარეო ფაქტორებზე, რაც განმსაზღვრელია იგივე ლარის კურსის, ეკონომიკური ზრდის“, – აღნიშნა ღარიბაშვილმა.
შეგახსენებთ, ბოლო ორი თვის განმავლობაში ლარმა გაუფასურება დაიწყო. ეროვნული ბანკის მონაცემებით, ამ ეტაპზე 1 დოლარის ღირებულება 2.05 ლარია.