გლდანის მესამე ა მიკროს N21 კორპუსის მიმდებარედ შიდა ეზო წესრიგდება

2021-07-16 20:12:08, 748 ნახვა

საზოგადოება

გლდანის რაიონში საგზაო ინფრასტრუქტურის მოწესრიგება გრძელდება.

რაიონის მასშტაბით, ხორციელდება, როგორც ცენტრალური ქუჩების, ასევე, შიდა ეზოების კეთილმოწყობა. ამჯერად, გლდანის გამგეობის მიერ სამუშაოები მესამე ა მიკრორაიონის N21 კორპუსთან მიმდინარეობს.

პროექტის მიხედვით, კონტრაქტორი კომპანია ჯამში, 1 160 კვ.მ. ფართობზე ასფალტის საფარს დააგებს. აღნიშნულ მისამართზე გლდანის რაიონის გამგეობის ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, მიწისქვეშა კომუნიკაციებიც მოწესრიგდა. შემდეგ კი, გზის საფარის მოწესრიგება დაიწყო.

აღნიშნულ მისამართებზე ასფალტის რეაბილიტაციისთვის ადგილობრივი ბიუჯეტიდან 51 227 ლარი არის გათვალისწინებული. სამუშაოების მიმდინარეობას გლდანის რაიონის გამგებელი ლევან ნაროუშვილი გაეცნო.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),