საკითხი შერეული სამთავრობო კომისიის სხდომაზე განიხილეს. სხდომას აჭარის ა/რ ჯანმრთელობისა და სოციალური დაცვის მინისტრი, ნინო ნიჟარაძე ხელმძღვანელობდა.

კომისიის რეკომენდაციითა და აჭარის ა/რ მთავრობის თავმჯდომარის გადაწყვეტილებით რესპუბლიკური ბიუჯეტის სარეზერვო ფონდიდან ფინანსური დახმარება ხანძრისა და სტიქიის შედეგად დაზარალებული 14 ოჯახს გაეწევა.

გამოიყოფა 106 914 ლარი, რაც მოხმარდება დაზიანებული საცხოვრებელი სახლების აღდგენა/მშენებლობა/რეაბილიტაციას.

„შერეული სამთავრობო კომიის მორიგ სხდომაზე განვიხილეთ სხვადასხვა სტიქიური მოვლენების დროს დაზარალებული ოჯახების დახმარების საკითხი. კომისიის რეკომენდაციას უახლოეს დღეებში წარვუდგენთ მთავრობის თავმჯდომარეს. დახმარებას ხანძრის შედეგად დაზარალებული 6 ოჯახი და ძლიერი ქარის შედეგად დაზარალებული 8 ოჯახი მიიღებს. თანხები გადანაწილდება ქ. ბათუმის, ქობულეთის, ხელვაჩაურისა და შუახევის მუნიციპალიტეტში მცხოვრებ ოჯახებზე “, - განაცხადა მინისტრმა ნინო ნიჟარაძემ.

2021 წელს, იანვრიდან დღემდე, აჭარის მთავრობის სარეზევო ფონდიდან სტიქიისა და ხანძრის შედეგად დაზარალებულ 36 ოჯახს ფინანსური დახმარების სახით ჯამში გაეწია 332 530 ლარი. 2020 წელს აღნიშნული მიმართულებით სარეზერვო ფონდიდან 1411 ოჯახს გამოეყო 2 729 814 ლარი.

ავტორი: NS (სტატია დაფინანსებულია),

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს