კოვიდსაწინააღმდეგო ვაქცინაცია მანდატორული ვერ იქნება, ის არის ნებაყოფლობითი, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ჯანდაცვის სამინისტროში გამართულ ბრიფინგზე განაცხადა.

როგორც მან აღნიშნა, კორონავირუსის საწინააღმდეგო ვაქცინაცია არც ერთ ქვეყანაში სავალდებულო არ ყოფილა.

„ვაქცინაცია არსად სავალდებულო არ ყოფილა. სავალდებულოებას ადგენს კანონი. ჩვენთან მაგალითად სავალდებულოა, რომ ყველა მედიცინის მუშაკი, მათ შორის ვინც აგრესიულ დისციპლინებში მუშაობენ (ანესთეზიოლოგები, ქირურგები, მეანგინეკოლოგები) ისინი „ბ“ ჰეპატიტზე უნდა იყვნენ აცრილები და ეს არის ბრძანება. ასევე, გარკვეული მანდატორიზმია წითელასთან მიმართებაში, რადგან მსოფლიო მიდის წითელას ელიმინაციის გზისკენ. გარკვეული მანდატორიზმი არის ვეტერინარებისთვის, სადაც წინასწარ ცოფზე იცრებიან.

ასევე არის მანდატორიზმი, თუ რომელიმე ქვეყანაში მიემგზავრებით, მაგალითად ბრაზილიაში და ყვითელ ციებ-ცხელებაზე არ ხართ აცრილი, იქ არ შეგიშვებენ. დანარჩენ ვაქცინებზე ყველგან არის ნებაყოფლობითი ვაქცინაცია. არავინ არავის არ აძალებს. არის გამონაკლისი დიდი ეპიდემიების დროს, როდესაც ქვეყანამ შეიძლება ლოკალურად რაღაც გადაწყვეტილება მიიღოს. ამიტომ, კოვიდსაწინააღმდეგო ვაქცინაცია მანდატორული არ არის და ვერ იქნება. ის არის ნებაყოფლობითი და დარჩება ნებაყოფლობითად“, - განაცხადა ამირან გამყრელიძე.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს