მარტვილში, ჭყონდიდის ეპარქიაში განვითარებულ მოვლენებთან დაკავშირებით, საქართველოს საპატრიარქო განცხადებას ავრცელებს.

როგორც განცხადებაშია აღნიშნული, მეუფე სტეფანეს წირვის შემდეგ სასულიერო პირები სიტყვიერად დაუპირისპირდნენ, ისმოდა პროვოკაციები და შეურაცხყოფები.

„სასულიერო პირები, რომლებიც 8 მარტს მარტვილში გამართულ სამღვდელო შეკრებაზე მას სიტყვიერად უპირისპირდებოდნენ, წირვის შემდეგ, მრევლის ნაწილთან ერთად, მეუფეს მონასტერში შეხვდა. ხანგრძლივი საუბრისას ისინი კვლავ ცდილობდნენ სიტუაციის დაძაბვას, დაიწყეს სიტყვიერი დაპირისპირება, ისმოდა შეურაცხმყოფელი ბრალდებები, პროვოკაციული შეძახილები. საბოლოოდ, სასულიერო პირები მეუფეს მონასტრის ტერიტორიის დატოვებას აიძულებდნენ. საგულისხმოა, რომ ამ ინციდენტს წინ უძღოდა 22 მარტს მიტროპოლიტ პეტრეს (ცაავა) მიერ გაკეთებული კომენტარი, სადაც იგი ჭყონდიდის ეპარქიის სასულიერო პირებსა და მრევლს მოუწოდებდა, არ დამორჩლებოდნენ ეპარქიის ახლად დადგენილ მღვდელმთავარს“, - აღნიშნულია საპატრიარქოს მიერ გავრცელებულ განცხადებაში.

შეგახსენებთ, რომ გუშინ ჭყონდიდის ეპარქიაში, ბალდის მონასტერში სასულიერო პირებს შორის სიტყვიერი დაპირისპირება მოხდა. ეპარქიაში განკვეთილ დიაკვნებთან სასაუბროდ მეუფე სტეფანე მივიდა, რომელიც მონასტრიდან გააძევეს. მეუფე სტეფანემ მონასტერი სამართალდამცველების თანხლებით დატოვა. 

ცნობითვის, მეუფე სტეფანემ ჭყონდიდის ეპარქიის რამდენიმე დიაკვანს მღვდელმსახურება აუკრძალა. აღნიშნულ გადაწყვეტილებას დიაკვნების მხრიდან პროტესტი მოჰყვა. ისინი არ აპირებენ, რომ მღვდელმთავრის განჩინებას დაემორჩილონ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს