ოჯახს აქვს კითხვები, რამდენად დროულად აღმოუჩინეს მეგი ბაქრაძეს დახმარება, ველოდებით სამხარაულის ექსპერტიზის დასკვნას, - ამის შესახებ გარდაცვლილი ექთნის, მეგი ბაქრაძის ოჯახის ადვოკატმა, ვახტანგ ბარამაშვილმა განაცხადა.

როგორც ოჯახის ადოკატი აცხადებს, მეგის წინა დღეებში დაუნიშნეს წამლები, რომელთან დაკავშირებითაც თვითონ მასაც არ ჰქონდა ზუსტი ინფორმაცია.

„ოჯახს აქვს კითხვები, რამდენად დროულად აღმოუჩინეს დახმარება. ოჯახს აინტერესებს, ხომ არ იყო გარდაცვლილი ახალციხეში და ხო არ მოხდა თბილისში გარდაცვლილის გადმოსვენება. ექსპერტიზა ამ კითხვების ნაწილზე მოგვცემს პასუხს, ამის იქით კიდევ პროცედურული პროტოკოლია, რომელიც დამატებით უპასუხებს ჩვენ კითხვებს და საბოლოო ჯამში, მთლიანად გავერკვევით, რა მოხდა ამ საქმეში და როგორ გარდაიცვალა მეგი.

ოჯახის ინფორმაციით, მეგის წინა დღეების განმავლობაში დაუნიშნეს რაღაც ტაბლეტები, რაზეც არ ვართ ინფორმირებული, ზუსტად რა ტაბლეტებია, თავად მეგიმაც არ იცოდა, რა ტაბლეტებზე იყო საუბარი და რა აბები მიიღო. მათ შორის, ეს შესაძლოა, საკვანძო აღმოჩნდეს და ამის გარკვევა იქნება მნიშვნელოვანი. ყველამ შეამჩნია, რომ მკლავზე სავარაუდოდ აქვს ალერგიული რეაქცია და ეს რა თქმა უნდა დამატებით კითხვებს ბადებს იმასთან დაკავშირებით, რამდენად სწორად იქნა შეგროვებული ანამნეზი და რამდენად სწორად იხელმძღვანელა ანამნეზით კლინიკამ. თუ მოლოდინზეა საუბარი ველოდებით სამხარაულის ექსპერტიზის დასკვნას, რომელიც უნდა მომზადდეს“, - აცხადებს ადვოკატი.

შეგახსენებთ, რომ ახალციხელი ექთანი მეგი ბაქრაძე კორონავირუსის „ასტრაზენეკას“ ვაქცინის მიღების შემდეგ სავარაუდოდ ანაფილაქსიური შოკის შედეგად გარდაიცვალა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს