„სტრატეგია აღმაშენებლის“ თავმჯდომარის, გიორგი ვაშაძის განცხადებით, მზად არის, კორონავირუსის საწინააღმდეგო ვაქცინა საჯაროდ გაიკეთოს.

როგორც ვაშაძემ პარტიის ოფისში გამართულ ბრიფინგზე აღნიშნა, საქართველოს ხელისუფლება ყველაფერს აკეთებს იმისთვის, რომ ვაქცინაციის პროცესი იყოს დაზიანებული.

„სამწუხაროდ, მსოფლიოში უმძიმესი ვითარებაა კორონავირუსთან დაკავშირებით. მთელი რიგი ექსპერტები საუბრობენ, რომ მსოფლიო მესამე ტალღას უნდა ელოდეს. ამ პირობებში ერთადერთი ხსნა არის ვაქცინაცია და ისევ და ისევ ვაქცინაცია. სამწუხაროდ, საქართველოში ამ კუთხით გვაქვს ორი დიდი პრობლემა. პირველი - დაგვიანებით მივიღეთ ვაქცინა და ძალიან მცირე რაოდენობით. მეორე - სამწუხაროდ, საქართველოს ხელისუფლება ყველაფერს აკეთებს იმისთვის, რომ ვაქცინაციის პროცესი იყოს დაზიანებული და ამ კუთხით საზოგადოებაში ეჭვები გააჩინონ. რა მაძლევს ამის თქმის უფლებას? ხაზს ვუსვამ, მსოფლიოს ყველა ქვეყანაში პირველ რიგში სწორედ ქვეყნის ხელმძღვანელობამ - პრემიერებმა, პრეზიდენტებმა, მინისტრებმა უჩვენეს პირადი მაგალითი მოქალაქეებს ვაქცინაციასთან მიმართებაში. საქართველოში რა ხდება? ვაქცინაცია დაწყებულია და სამწუხაროდ, ისე არიან გაჩუმებულები, თითქოს არაფერია. მეგობრებო, ვერ გავიგე თქვენ მართლა ანტივაქცინაციის კამპანიაში ხართ მგონი ჩართული.

მივმართავ ღარიბაშვილს, მინისტრებს და ყველას „ქართულ ოცნებაში“. თქვენ პირდაპირ ხართ ჩართული. მე მზად ვარ და მივმართავ მთავრობას, რომ პირადი მაგალითი ვუჩვენო, მივიდე და ნებისმიერ დროს გავიკეთო საჯაროდ ვაქცინა. ამ ვაქცინაში არანაირი პრობლემა არ არის, ეს არის ხსნა და შველა ძალიან ბევრი ადამიანის სიცოცხლის. აი, ასეთი პირადი მაგალითი უნდა ვუჩვენოთ ყველას. მივმართავ მათ, ვისაც ეხება ეს, ჯანდაცვის სამინისტროს თუ დაავადებათა კონტროლის ცენტრს, როცა გნებავთ, პირადადაც დაგირეკავთ აუცილებლად, მოვალ და საჯაროდ გავიკეთებ ვაქცინას, რომელიც ახლა არის საქართველოში ჩამოტანილი. მინდა მოქალაქეებს ჩემი პირადი მაგალითი ვუჩვენო, რომ ვაქცინაციის ჩატარებაში არანაირი საფრთხე არ არის“, - განაცხადა გიორგი ვაშაძემ.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს