ჯანდაცვის სამინისტრო ანაკლია-განმუხურის კოვიდსასტუმროში გარდაცვლილ პაციენტთან დაკავშირებით განმარტებას აკეთებს.

როგორც უწყების განცხადებაშია აღნიშნული, პაციენტის ჯანმრთელობის მდგომარეობა ადგილზე ჩატარებული სამედიცინო ღონისძიებების შედეგად, დამაკმაყოფილად შეფასდა და სასწრაფომ არ ჩათვალა საჭიროდ პაციენტის ჰოსპიტალიზაცია.

ამასთანავე, უწყებაში აცხადებენ, რომ პაციენტის საკარანტინე სივრცეში მოთავსებიდან რამდენიმე საათში, ექიმმა გამოიძახა სასწრაფო დახმარების ბრიგადა, თუმცა ბრიგადას ქალბატონი გარდაცვლილი დახვდა.

„16 მარტს, აფხაზეთის ოკუპირებული ტერიტორიიდან სამედიცინო ტრანსპორტის მიერ გადმოყვანილ იქნა  შუახნის ქალბატონი. 

საოკუპაციო ხაზთან, ენგურის ე.წ. გადასასვლელ პუნქტთან გამოძახებულ იქნა სასწრაფო სამედიცინო დახმარების ბრიგადა. პაციენტის ჯანმრთელობის მდგომარეობა ადგილზევე შეფასდა, ჩაუტარდა  ელ. კარდიოგრაფია და მოხდა მისი სასიცოცხლო პარამეტრების განსაზღვრა.

ჩატარებული სამედიცინო ღონისძიების შედეგად პაციენტის მდგომარეობა შეფასდა  დამაკმაყოფილებლად.

სასწრაფო სამედიცინო დახმარების ბრიგადის მიერ არ ჩაითვალა საჭიროდ ჰოსპიტალიზაცია, ვინაიდან არ იკვეთებოდა რაიმე სახის ჩივილი. ქალბატონი, დადგენილი წესით, საკარანტინე სივრცეში სასტუმრო „ანაკლიაში“ მოთავსდა.

აღსანიშნავია, რომ საკარანტინე სივრცე სამედიცნო პერსონალის ზედამხედველობას ითვალისწინებს.

პაციენტის საკარანტინე სივრცეში მოთავსებიდან რამდენიმე საათში, ექიმის მიერ სასწრაფო სამედიცინო დახმარების გამოძახება მოხდა. ადგილზე მისულ ბრიგადას ქალბატონი გარდაცვლილი დახვდა“, - აღნიშნულია სამინისტროს მიერ გავრცელებულ განცხადებაში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს