ჭყონდიდისა და მარტვილის მიტროპოლიტი სტეფანე მედიას მიმართავს და აცხადებს, რომ მას ჟურნალისტები პროვოკაციას უწყობენ.

მისივე თქმით, მისი გეგმებია - წირვები და ლოცვები.

„არ გავურბივარ არც პრესას, არც ტელევიზიას. აგერ, ხმამაღლა ვლაპარაკობ ყველაფერს, რაც მინდა, რომ ვთქვა. რაც არ მინდა, ვერავინ მათქმევინებს. პროვოკაციას მიწყობთ. თუ ეს თქვენი ცხოვრების ნაწილია, არ ვიცი, რამდენად იქნება თქვენი სულისთვის სასარგებლო პროვოკაციების მოწყობა. ეცადეთ, რომ სულისთვის იზრუნოთ და არა ვიღაცების დაკვეთა შეასრულოთ. სულ მეკითხებით რა გეგმები მაქვს - გეგმები მაქვს წირვები და ლოცვები“, - განაცხადა მიტროპოლიტმა სტეფანემ.

შეგახსენებთ, რომ 8 მარტს ჭყონდიდის ეპარქიაში ეპარქიის წარმომადგენლებისა და სასულიერო პირების ნაწილს შორის შელაპარაკება მოხდა.

დაპირისპირების შედეგად ჩამოინგრა საეპისკოპოსო რეზიდენციის აივნის მოაჯირი, რა დროსაც დაშავდა 8 ადამიანი, მათ შორია მედიის ექვსი წარმომადგენელი. მომხდართან დაკავშირებით შინაგან საქმეთა სამინისტრო გამოძიებას სსსკ-ის 124-ე მუხლით აწარმოებს, რაც ჯანმრთელობის გაუფრთხილებლობით დაზიანებას გულისხმობს.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს