ფეხბურთელ გიორგი შაქარაშვილის მკვლელობის საქმის პროკურორის, დავით ყაზარაშვილის განცხადებით, ბრალდების მხარეს გამამტყუნებელი განაჩენის მოლოდინი აქვს.

როგორც მან სასამართლო სხდომის დაწყებამდე ჟურნალისტებთან საუბრისას აღნიშნა, ყველა ის ელემენტი, რომელიც საჭიროა მკვლელობის დასადასტურებლად, ბრალდების მხარემ სასამართლო პროცესების მიმდინარეობისას დაადასტურა.

„ბრალდების მხარე თავის მტკიცებულებებში დარწმუნებულია. დარწმუნებულია იმაში, რომ ყველა ბრალდებულმა ჩაიდინა მკვლელობა. ყველა ის ელემენტი, რომელიც საჭიროა მკვლელობის დასადასტურებლად, ბრალდების მხარემ სასამართლო პროცესების მიმდინარეობისას დაადასტურა. აქედან გამომდინარე, ერთადერთი მოლოდინი, რაც დღეს არსებობს, ეს არის გამამტყუნებელი განაჩენი. უამრავი პირდაპირი მტკიცებულებაა საქმეში, რაც პირდაპირ უთითებს შაქარაშვილის ჯგუფურად მკვლელობას“, - განაცხადა დავით ყაზარაშვილმა.

ცნობისთვის, გიორგი შაქარაშვილის მკვლელობის საქმეზე სასამართლოს საბოლოო განაჩენი რამდენიმე წუთში გამოცხადდება.

ფეხბურთელ გიორგი შაქარაშვილის განზრახ ჯგუფურად მკვლელობის საქმეზე ბრალდებულები არჩილ გაგნიძე, ნიკოლოზ რევაზიშვილი, ვახტანგ ჩიქოვანი, ზ.ხ და ა.ქ. არიან.

ავტორი: ექსპრესნიუსი,

სოციალური ქსელები

თიბისი ტექსკოლა - ონლაინ ტექგანათლება, რომელიც საქართველოს ყველა რეგიონს აერთიანებს

ირანმა ჰორმუზის სრუტეში ორ ნავთობტანკერს დაარტყა, არის მსხვერპლი

კლინიკაში გარდაიცვალა 3 წლის ბავშვი, რომელსაც გორში ავტომანქანა დაეჯახა, მანამდე დაიღუპა დედაც

ევროკავშირმა სანქციები დაუწესა უკრაინელი პატიმრების მიმართ ძალადობაში მონაწილე 15 ადამიანს