ჭყონდიდის ეპარქიაში მომხდარი ინციდენტის შედეგად დაშავებული ჟურნალისტი წუხელ  გვიან ღამით თბილისში გადმოიყვანეს.

მარტვილის საავადმყოფის მორიგე ექიმის, ლევან ქობალიას განცხადებით, მას წელის მეოთხე მალის მოტეხილობა აღენიშნება და სპეციალიზებულ კლინიკაში საჭიროებს მკურნალობას.

„მარტვილიდან კატასტროფის სამსახურის მიერ იქნა გადმოყვანილი 2 პაციენტი, რომელთაც ჩაუტარდათ კვლევები. მიღებული კვლევების საფუძველზე პაციენტებს დაესვათ დიაგნოზი. ერთს აქვს წელის მეოთხე მალის კომპრესიული მოტეხილობა. შესაბამისად, პაციენტს სჭირდება სპეციალიზირებულ კლინიკაში გადაყვანა და ხდება მისი ორგანიზება. მეორე პაციენტს აღენიშნება მარცხენა წვივის მედიალური მენჯის მოტეხილობა. ამ პაციენტმა უარი განაცხადა მომსახურებაზე და თავისი სურვილით გაეწერა“, - განაცხადა ლევან ქობალიამ.

შეგახსენებთ, რომ ჭყონდიდის ეპარქიაში ინციდნეტი გუშინ მოხდა. ჟურნალისტებმა ერთ-ერთ ოთახში მყოფი სასულიერო პირების დაპირისპირების კადრების გადაღება სცადეს. მღვდელმსახურები კი მათ გადაღების საშუალებას არ აძლევდნენ. დაპირისიპირების დროს გადატყდა მოაჯირი და აივანზე მყოფები მეორე სართულიდან გადავარდნენ.

შინაგან საქმეთა სამინისტრომ მომხდარ ფაქტზე გამოძიება გაუფრთხილებლობით ჯანმრთელობის დაზიანების მუხლით დაიწყო.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს