თბილისის მერმა კახა კალაძემ, სამგორის რაიონში, ვარკეთილის მე-4 მიკრორაიონში ახლადმოწყობილი სკვერი დაათვალიერა.

„სამგორის რაიონის გამგეობას, გამგებელს, თითოეულ თანამშრომელს, ვინც მონაწილეობდა ამ პროექტის განხორციელებაში, მინდა მადლობა გადავუხადო. ამ ტერიტორიის დიდ ნაწილზე იყო ავტოფარეხები, ადგილობრივი მოსახლეობის მხარდაჭერით ავიღეთ ეს კონსტრუქციები და ძალიან კარგი სივრცე მოეწყო ბავშვებისთვის და ზრდასრულებისთვის. აქვე არის საფეხბურთო მოედანი, რომლის რეაბილიტაციასაც ძალიან მალე დავიწყებთ და ერთი დიდი კომპლექსი იქნება რეკრეაციული სივრცის სახით“, - განაცხადა კახა კალაძემ.

სკვერი ექვსი ავტოფარეხის ადგილზე მოეწყო, რომელთა დემონტაჟი ადგილობრივი მოსახლეობის თხოვნის საფუძველზე განხორციელდა.

7300 კვ. მეტრზე გაშენებულ სკვერში მოეწყო საბავშვო მოედნები ატრაქციონებით, დასასვენებელი პავილიონები, დაიდგა საპარკე სკამები და საქანელები, ჩატარდა გამწვანების სამუშაოები, მოეწყო გარე განათების სისტემა.

ვარკეთილში სკვერის მოწყობის სამუშაოები კონტრაქტორმა კომპანიამ -  „მონოლითი 2005“ აწარმოა, რისთვისაც სამგორის რაიონის გამგეობის ბიუჯეტიდან 678 000 ლარი დაიხარჯა.

დედაქალაქის მერთან ერთად ადგილზე იმყოფებოდნენ სამგორის რაიონის გამგებელი კახა სამხარაძე, პარლამენტის დეპუტატი სოზარ სუბარი, საკრებულოს დეპუტატები გიორგი დოხტურიშვილი და რევაზ სოხაძე.

ავტორი: NS (სტატია დაფინანსებულია),

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა