"ხელისუფლება დაინტერესებულია, არჩევნების წელს ტელევიზიაში პოლიტიკაზე ნაკლები ლაპარაკი  იყოს ",- ასე აფასებს "თავისუფალი დემოკრატების" ერთ-ერთი ლიდერი მაია ფანჯიკიძე "რუსთავი2"-ის ირგვლივ განვითარებულ მოვლენებს.

როგორც ფანჯიკიძემ "ექსპრესნიუსს" განუცხადა, სახეზეა სატელევიზო სივრციდან პოლიტიკური თემატიკის განდევნა და თავისუფალი სიტყვის წინააღმდეგ მიმართული აქცია.

 მაია ფანჯიკიძის მოსაზრებით,  "რუსთავი2" -ის უკან რა იურიდიული საკითხებიც არ უნდა იდგეს, ხელისუფლებამ  ამ მედიასაშუალების არსებობა უნდა უზრუნველყოს.

"მიმაჩნია, რომ ხელისუფლების ნებართვის გარეშე, ასეთი მსხვილი ამბები ამ ქვეყანაში არ ხდება. ჩემთვის აბსოლუტურად არ აქვს მნიშვნელობა, რა იურიდიული საკითხები დგას ამის უკან და რა ფინანსური საკითხები გაირჩევა ყოფილ, ძველ, მომავალ და ა.შ. მფლობელებს შორის. მთავარია ერთი, რომ "რუსთავი2"  არის ხელისუფლებისგან დამოუკიდებელი სატელევიზიო სივრცე,  რომელიც არ უნდა დაიხუროს, რადგან ხალხს უნა ჰქონდეს საშუალება,  მომავალ არჩევნებში ინფორმირებული არჩევანი გააკეთოს და როდესაც ეს ემთხვევა იმ ტენდენციას, რომელიც ვითრდება სხვა არხებზეც, სადაც იხურება პოლიტიკური თოქშოუები და ფაქტობრივად, ხდება პოლიტიკური  თემატიკის განდევნა სატელევიზო სივრციდან, შეგახსენებთ იმედს, პირველ არხს და ა.შ. მაშინ, რასაკვირველია, ამ კონტექსტში ეს აღიქმება, როგორც თავისუფალი სიტყვის,  თავისუფალი მედიის წინააღმდეგ მიმართული აქცია. არჩევა-გამორჩევას, სასამართლოს და ა.შ. არ უნდა შეეწიროს მაუწყებლობა ამ ტელეკომპანიის. მიუხედავად იმისა, მოგვწონს იგი, თუ  არა, ხელისუფლებამ და  პოლიტიკურმა სპექტრმა უნდა უზრუნველყოს ის, რომ ამ მედიასაშუალებამ იარსებოს. ყველაფერი დანარჩენი არის  გასაკეთებელი ისე, რომ ეს არ შეეხოს ამ მთავარ ამოცანას. შეიძლება ვთქვათ, რომ არჩევნების წინ არის ხელისუფების მიერ მცდელობა,  პოლიტიკური თემა გაქრეს მედიასივრციდან. ამის დამადასტურებელია იმედზე ძალიან პოპულარული შოუების დახურვა, პირველ არხზე  ჯერ კიდევ გაურკვეველი სიტუაცია იქნება, თუ არ იქნება პოლიტიკური თოქშოუ, ეს ჯერჯერობით ცნობილი არ არის და ამ ვითარებას  დამატებული ის, რაც ვითარდება "რუსთავი2"-ში, მაძლევს სრულ უფლებას ვიფიქრო, რომ ხელისუფლება დაინტერესებულია, არჩევნების წელს ტელევიზიაში ნაკლები ლაპარაკი იყოს პოლიტიკაზე" - განუცხადა ექს საგარეო საქმეთა მინისტრმა "ექსპრესნიუსს".

შეგახსენებთ,  „რუსთავი 2“-ის შემდეგ სასამართლომ მის მფლობელობაში მყოფი  კომპანია,  51 % წილის მფლობელი შპს „საქართველოც“ დააყადაღა. გენერალური დირექტორის ნიკა გვარამიას განცხადებით, "რუსთავი2" დღეს დახურვის წინაშეა ისე, როგორც არასდროს. გვარამია საზოგადოებას დახმრებას სთხოვს.  მითითებულ ანგარიშზე - : GE09TB1100000018467864 მოსახლეობას ტელეკომპანიის დასახმარებლად თანხის ჩარიცხვა შეუძლია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე