სასჯელაღსრულებისა და პრობაციის მინისტრი კახა კახიშვილი და ევროპის საბჭოს ოფისის ხელმძღვანელი კრისტიან ურსე ახლგახსნილ N 16 პენიტენციურ დაწესებულებას ესტუმრნენ. მინისტრმა და ევროპის საბჭოს ოფისის ხელმძღვანელმა დაათვალიერეს დაწესებულების საცხოვრებელი კორპუსები, გრძელვადიანი პაემნების ოთახები, ბიბლიოთეკა, სასადილო, მაღაზია, პირველადი ჯანდაცვის პუნქტი და სპორტული დარბაზი. ევროპის საბჭოს ოფისის ხელმძღვანელმა აღნიშნა, რომ N 16 დაბალი რისკის დაწესებულება ევროპული სტანდარტების შესაბამისია და სამაგალითოა არა მხოლოდ რეგიონისთვის, არამედ ბევრი ევროპული ქვეყნისთვისაც კი. კრისტიან ურსემ უყურადღება გაამახვილა იმ ფაქტებზე, რომ აღნიშნულ დაწესებულებაში მყოფ მსჯავრდებულებს საშუალება ეძლევათ ჩაერთონ სხვადასხვა პროგრამაში, შეიძინონ სპეციალობა და დასქმდნენ.

„დასაფასებელია ის ძალისხმევა და ნაბიჯები, რასაც სამინისტრო დგამს. დაწესებულების ევროპულ სტანდარტებთან მისაახლოებლად სასჯელაღსრულებისა და პრობაციის სამინისტრომ უდავოდ ბევრი გააკეთა, - აღნიშნა კრისტიან ურსემ. კახა კახიშვილმა და კრისტიან ურსემ სერტიფიკატები გადასცეს მსჯავრდებულებს, რომელთაც კომპიუტერის შემსწავლელი საბაზისო კურსი გაიარეს და დაარიგეს ბროშურები - დაწესებულებებში სამედიცინო მომსახურების სტანდარტი და მისი გზამკვლევი.

„მოვინახულეთ დაწესებულება და გავესაუბრეთ მსჯავრდებულებს. სამინისტროსთან ერთად ევროპის საბჭომ მოამზადა სამედიცინო მომსახურების სტანდარტი და დაბეჭდა ეს ბროშურა, რომელიც დღეს დავურიგეთ მსჯავრდებულებს. ბროშურის მეშვეობით ისინი გაეცნობიან იმ სერვისებს, რომლითაც შეუძლიათ სარგებლობა,“ - განაცხადა სასჯელაღსრულებისა და პრობაციის მინისტრმა კახა კახიშვილმა.

„ეს დოკუმენტი სამინისტროს, ევროპის საბჭოსა და ევროპის კავშირის თანამშრომლობის კარგი მაგალითია და პასუხობს ჩვენს საერთო ამოცანას: თავისუფლებააღკვეთილ პირთა უფლებების დაცვის უზრუნველყოფასა და სამედიცინო დახმარების ხელმისაწვდომობის გაუმჯობესებას“, - აღნიშნა კრისტიან ურსემ.

პატიმრობის დაწესებულებებში სამედიცინო მომსახურების სტანდარტები ციხეებში პატიმართათვის განკუთვნილი ჯანდაცვის სერვისების უნიფიცირებული აღწერაა, რომელიც 2015 წლის 24 აპრილს, სასჯელაღსრულებისა და პრობაციის მინისტრის ბრძანებით დამტკიცდა. სტანდარტების დოკუმენტი სამედიცინო მუშაკებს გადაეცათ, ხოლო აზერბაიჯანულ, თურქულ, ინგლისურ, სომხურ, სპარსულ, ქართულ და რუსულ ენებზე მომზადებული სტანდარტების გზამკვლევი - მსჯავრდებულებს. გზამკვლევში სამედიცინო სტანდარტებში შესული სერვისები მსჯავრდებულთათვის გასაგები, მარტივად ენით არის აღწერილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე