თუ კანონი დაარღვიეს, დაისჯება ყველა, ჩემი მოადგილე იქნება თუ დეპარტამენტის ხელმძღვანელი, - ამის შესახებ სახელმწიფო უსაფრთხოების სამსახურის ხელმძღვანელმა ვახტანგ გომელაურმა „ნარუშილოვკასა“ და მასთან დაკავშირებით გავრცელებულ ვიდეოკადრებთან დაკავშირებით განაცხადა. როგორც გომელაურმა აღნიშნა, გამოძიება ყველა დეტალს დაადგენს.

„თუ ვინმე დამნაშავე აღმოჩნდება, ან გადაცდომა ექნება სამსახურეობრივი თუ გულგრილობა, დაისჯება შესაბამისად. კანონი თუ დაარღვიეს რა თქმა უნდა დაისჯება ყველა, ის ჩემი მოადგილე იქნება თუ დეპარტამენტის ხელმძღვანელი. მნიშვნელობა არ აქვს, ყველა დაისჯება შესაბამისად“, - განაცხადა გომელაურმა.

შეგახსენებთ, ტელეკომპანია „რუსთავი 2“-ის გადაცემა P.S. -ში პოლიციის უფროსი ლეიტენანტის გიორგი ბაბუნაშვილის ვიდეოინტერვიუ გავრცელდა. როგორც ბაბუნაშვილი ინტერვიუში აცხადებს, ე.წ. ნარუშილოვკა შსს-ს მაღალჩინოსნებმა ნათესავებს დაურიგეს.

აღნიშნულთან დაკავშირებით განცხადება გუშინ შინაგან საქმეთა სამინისტრომ გაავრცელა. „2015 წლის 28 სექტემბერს შინაგან საქმეთა სამინისტროს გენერალურმა ინსპექციამ მასობრივი ინფორმაციის საშუალებებით 27 სექტემბერს გავრცელებულ ვიდეომასალასთან დაკავშირებით სამსახურებრივი შემოწმება დაიწყო. იმ შემთხვევაში, თუ შემოწმების შედეგად დადგინდება რაიმე სახის გადაცდომა, გენერალური ინსპექცია შესაბამის რეაგირებას მოახდენს“,- ნათქვამია შსს-ს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს

ფეხბურთის მსოფლიო ჩემპიონატის ღია ჩვენებასთან დაკავშირებით, 7 ივლისიდან 21 ივლისის ჩათვლით, პირველი რესპუბლიკის მოედანზე მოძრაობა დროებით შეიზღუდება

კიევში 7 ივლისი გლოვის დღედ გამოცხადდა