თურქეთმა და რუსეთმა მთიან ყარაბაღში ერთობლივი ცენტრის შექმნის შესახებ შეთანხმება გააფორმეს

2020-12-01 12:48:20, 1488 ნახვა

მსოფლიო

თურქეთმა და რუსეთმა მთიან ყარაბაღში ერთობლივი სადამკვირვებლო ცენტრის შექმნის შესახებ შეთანხმება გააფორმეს.

აღნიშნულ ინფორმაციას რუსული მედია, თურქეთის თავდაცვის სამინისტროზე დაყრდნობით ავრცელებს.

რუსეთისა და თურქეთის ლიდერებს შორის გამართლი მოლაპარაკებების შემდეგ, მოსკოვმა და ანკარამ ხელი მოაწერეს შეთანხმებას გაერთიანებული ცენტრის საფუძვლებისა და პრინციპების შესახებ. ქვეყნები ემზადებიან, რომ მალე დაიწყოს აღნიშნულმა ცენტრმა მუშაობა.

შეგახსენებთ, რომ 16 ნოემბერს თურქეთის პრეზიდენტმა რეჯეფ ტაიფ ერდოღანმა განაცხადა, რომ თურქეთს სამხედროები მონაწილეობას მიიღებენ მთიან ყარაბაღში ცეცხლის შეწყვეტის რეჟიმის მონიტორინგში, თურქეთ-რუსეთის ერთობლივი სადამკვირვებლო ცენტრის ფარგლებში.

მისივე თქმით, აზერბაიჯანში სამხედრო მოსამსახურეების გაგზავნა აკმაყოფილებს თურქეთის ეროვნულ ინტერესებს.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან