სერგეი ლავროვი აცხადებს, რომ მთიან ყარაბაღში თურქი სამშვიდობოების გაგზავნა არ მოხდება

2020-11-12 15:38:35, 956 ნახვა

მსოფლიო

რუსეთის საგარეო საქმეთა მინისტრი სერგეი ლავროვი აცხადებს, რომ არაღიარებულ მთიან ყარაბაღში თურქი სამშვიდობოების გაგზავნა არ მოხდება.

ამის შესახებ რუსეთის საგარეო საქმეთა მინისტრმა უცხოურ მედიასაშუალებებთან გამართულ პრესკონფერენციაზე განაცხადა.

„თურქეთის რესპუბლიკის სამშვიდობო ძალები მთიან ყარაბაღში არ გაიგზავნება. ეს ყველაფერი ნათლად არის ასახული იმ დოკუმენტში, რომელსაც სამი სახელმწიფოს მეთაურმა, კერძოდ, სომხეთის, აზერბაიჯანისა და რუსეთის მეთაურებმა მოაწერეს ხელი“, - განაცადა სერგეი ლავროვმა.

მანვე დასძინა, რომ წაიკითხა ბევრი სპეკულაცია აღნიშნულ საკითხთან დაკავშირებით, თუმცა სახელმწიოები იხელმძღვანელებენ მოცემული დოკუმენტით, რომელსაც 9 ნოემბერს რუსეთის ფედერაციის პრეზიდენტმა ვლადიმერ პუტინმა, აზერბაიჯანის პრეზიდენტმა ილჰამ ალიევმა და სომხეთის პრემიერ-მინისტრმა ნიკოლ ფაშინიანმა მოაწერეს ხელი.

შეგახსენებთ, რომ აღნიშნული დოკუმენტის მიხედვით რეგიონში რუსი სამშვიდობოები განთავსდებიან.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან