ფინანსთა მინისტრი ნოდარ ხადური საქართველოში უნგრეთის საგანგებო და სრულუფლებიანი ელჩის მოვალეობის შემსრულებელს, სილვია პეტოს შეხვდა.

როგორც ელჩის მოვალეობის შემსრულებელმა აღნიშნა, უნგრეთის მთავრობამ გამოთქვა მზადყოფნა ფინანსური და ტექნიკური დახმარება გაუწიოს დედაქალაქის მთავრობას ზოოპარკის აღდგენის პროცესში. როგორც შეხვედრაზე აღინიშნა, უნგრული მხარე საჭიროების შემთხვევაში ასევე გადაამზადებს ქართველ სპეციალისტებს.

ფინანსთა მინისტრმა სტუმარს მადლობა გადაუხადა აღნიშნული ინიციატივისთვის და მიაწოდა ინფორმაცია იმ გეგმების შესახებ, რომლსაც დედაქალაქის მერია გეგმავს თბილისის ზღვის მიმდებარე ტერიტორიაზე ახალი ზოოპარკის მშენებლობის მიმართულებით.

როგორც შეხვედრაზე აღინიშნა, ფინანსთა სამინისტრო მზადაა დაინტერესების შემთხვევაში უნგრულ მხარეს დამატებით, დეტალური ინფორმაცია მიაწოდოს იმ საჭიროებების შესახებ, რაც დედაქალაქში 13-14 ივნისის სტიქიის შედეგების სალიკვიდაციო ღონისძიებებისთვისაა საჭირო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ