2015-09-22 16:15:04, 1341 ნახვა
საზოგადოება
დაკარგული გიორგი მუჩიაშვილის დედა ხელისუფლებას დახმარებას სთხოვს
ტობა ვარჩხილის ხეობაში დაკარგული გიორგი მუჩიაშვილის დედა ინგა ვეკუა ხელისუფლებას სამძებრო სამუშაოების განახლებას და მაშველთა დიდი ჯგუფის გამოყოფას სთხოვს.
"სალაშქროდ იყო წასული ტობა ვერჩხილის ხეობაში, იქ ჯგუფს ჩამორჩა და ჯგუფი უკან რომ დაბრუნდა, ვეღარ იპოვეს. მგონია, რომ მან შეისვენა იქ. გადაწყვიტა დაწეოდა ბიჭებს და ამასობაში გზა აებნა. ხელისუფლებას მინდა მივმართო, კიდევ ერთხელ გამოყოს სამაშველო ჯგუფი, უფრო ფართომაშტაბიანი და იმ ხეობის უფრო დეტალური დათვალიერება მოხდეს“, - აცხადებს ინგა ვეკუა.
შეგახსენებთ, რომ გიორგი მუჩიაშვილი აგვისტოს თვეში მოლაშქრეთა ჯგუფს ჩამორჩა. მისი პოვნა ამ დრომდე ვერ მოხერხდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
