მთაწმინდის ქ. N4-ში, სულხან-საბას სახელობის სკვერის სრული რეაბილიტაცია დასრულდა.

სულხან-საბას სახელობის სკვერი ისტორიული ადგილმდებარეობისაა და 1 800 კვ.მ ფართობს მოიცავს. სკვერი რეკრეაციული სივრცეების განვითარების კუთხით მნიშვნელოვან პროექტს წარმოადგენს. იგი ევროპული სტანდარტების შესაბამისად განახლდა.

ტერიტორიაზე შენარჩუნდა მწვანე საფარი და ახალი ნარგავებითაც გაშენდა; მოეწყო დეკორატიული შადრევანი. ასევე, განთავსდა საბავშვო ზონები, დამონტაჟდა თანამედროვე ტიპის ატრაქციონები; სრულიად შეიცვალა და მხატვრული ეფექტით განახლდა განათების სისტემა; ტერიტორიაზე საპარკე სკამები და ურნები დამონტაჟდა.

დასრულებულ სამუშაოებს, მთაწმინდის რაიონის გამგებლის მოადგილე ლევან ბაჩიაშვილი, ადგილობრივ მოსახლეობასთან ერთად გაეცნო.

“ქალაქს კიდევ ერთი თანამედროვე სტანდარტების შესაბამისი სკვერი შეემატა, რომელიც ამავდროულად, ისტორიული მნიშვნელობის არის. მსგავსი სივრცეების მოწყობა აუცილებელია და ჩვენი მიზანია მთაწმინდაზე  არცერთი უბანი არ დარჩეს დასასვენებელი სივრცის გარეშე. დარწმუნებული ვარ, სულხან-საბას სახელობის სკვერი ყველა თაობის ადამიანისთვის საყვარელ ადგილად გადაიქცევა“, - განაცხადა ლევან ბაჩიაშვილმა.

სამუშაოები, კონტრაქტორმა კომპანიამ შეასრულა, რისთვისაც ადგილობრივი ბიუჯეტიდან 688 737 ლარია გამოიყო.

ავტორი: NS (სტატია დაფინანსებულია),

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას