საქართველოს პრეზიდენტის მრჩევლის  ეკონომიკურ საკითხებში გიორგი აბაშიშვილის განცხადებით, მმართველ გუნდში დღითიდღე მატულობს იმ მაღალი თანამდებობის პირების რიცხვი, რომლებიც აღიარებენ, რომ ზედამხედველობის სააგენტოს ეროვნული ბანკიდან გამოყოფის საკითხზე მიღებული გადაწყვეტილება არასწორია.

თუმცა, აბაშიშვილის თქმით, ახლა მთავარია ეროვნული ვალუტის კურსთან მიმართებაში სტაბილურობის შეგრძნება გაჩნდეს.

ამიტომ, აბაშიშვილის მოსაზრებით, მთავრობამ, ეროვნულმა ბანკმა და საფინანსო ზედამხედველობის სააგენტომ კოორდინირებულად უნდა იმუშაონ და საზოგადოებას ინფორმაცია მიაწოდონ.

„ფაქტია, რომ შეცდომა იქნა დაშვებული. ფაქტია, რომ მმართველ გუნდში სულ უფრო მეტია მაღალი თანამდებობის პირი, რომელიც შეცდომას აღიარებს სხვადასხვა ფორმით. იყო ვიცე–პრემიერის, ფინანსთა მინისტრის განცხადებები. დღეს კიდევ ერთი მინისტრის განცხადება ვნახეთ ამასთან დაკავშირებით. მაგრამ საზოგადოებისთვის ეს ნაკლებად საინტერესოა, რა შეცდომა იქნა დაშვებული 2 კვირის წინ, ან რა იყო ამ შეცდომის მოტივი. საზოგადოებისთვის ახლა მთავარია, სტაბილურობის შეგრძნების გაჩენა, განსაკუთრებით ეროვნული ვალუტის კურსთან მიმართებაში, რათა მათი დანაკარგები არ გაიზარდოს“, – განაცხადა გიორგი აბაშიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება