ჩვენ შევიძინეთ გრიპის ვაქცინის უპრეცედენტო რაოდენობა, რომელიც 3-ჯერ აღემატება წინა წლებში შეძენილს, - ამის შესახებ ჯანდაცვის მინისტრმა, ეკატერინე ტიკარაძემ მთავრობის ადმინისტრაციაში, ბრიფინგზე განაცხადა.

მისივე თქმით, მთავრობას აღრიცხული ჰყავს ყველა ის ადამიანი, ვისაც ვაქცინა ესაჭიროება.

„არა ერთხელ დავაანონსეთ, რომ შევიძინეთ უპრეცედენტო რაოდენობა გრიპის ვაქცინის, ეს რაოდენობა აღემატება სამჯერ იმას, რასაც საქართველო წინა წლებში მოიხმარდა და წინა წლებში, ჩვენ ხშირ შემთხვევაში გვქონდა არ გამოყენებული გრიპის ვაქცინა, ვინაიდან ის საქართველოში პოპულარობით არ სარგებლობდა. გამომდინარე იქიდან, რომ ჩვენ გვქონდა მოლოდინი, რომ მოთხოვნა გაიზრდებოდა, შევიძინეთ 3-ჯერ მეტი რაოდეობა, მაგრამ მნიშვნელოვანია, რომ ის გამოყენებული იქნას რისკ ჯგუფებში და აქაც, პირველ ეტაპზე მოხდება იმ ადამიანების აცრა, ვისაც ეს უკიდურესად, დროულად ესაჭიროება. დღესდღეობით ჩვენ გვაქვს მიღებული პირველი რაოდენობა და შემდეგ უკვე ველოდებით დამატებით რაოდენობას, ნოემბერში ჩვენ გვექნება სრული რაოდენობით ვაქცინა. სახელმწიფოს აღრიცხული ჰყავს ის ადამიანები, ვისაც ვაქცინა ესაჭიროება, მოხდება მათთან დაკავშირება და ყველა ადამიანი, ვისთვისაც არის ეს მნიშვნელოვანი იქნება აცრილი“, - განაცხადა ეკატერინე ტიკარაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლიკლიკაძე - მძიმე წარსულზე ლაპარაკისას, ადამიანს შეიძლება ცდომილება მოუვიდეს

ბოლო ერთი თვის განმავლობაში, საარსებო შემწეობა კიდევ 7 235 საქართველოს მოქალაქეს შეუწყდა

ყაზახეთი განიხილავს ნავთობის ექსპორტის დამატებით მარშრუტებს, მათ შორის ბაქო-თბილისი-ჯეიჰანს

თურქეთის პარლამენტის წევრებმა ანკარას მოუწოდეს, აღიაროს აფხაზური პასპორტები