მესმის გულშემატკივრების გულისტკივილი, მეც მასე ვარ, - ასე გამოეხმაურა პრემიერ-მინისტრი გიორგი გახარია საქართველო-ბელარუსის მატჩის გულშემატკივრების გარეშე ჩატარების ფაქტს.

პრემიერი საარჩევნო კამპანიებსაც გამოეხმაურა და აღნიშნა, რომ ფეხბურთის გულშემატკივრები უფრო მაღალი სამოქალაქო პასუხისმგებლობით გამოირჩევიან, ვიდრე ზოგიერთი პოლიტიკოსი, რომელიც არ ატარებს ნიღაბს და არ იცავს სოციალურ დისტანციას.

„სამწუხაროდ უნდა ვაღიარო, რომ ჩვენი ფეხბურთის გულშემატკივრები ბევრად უფრო მაღალი სამოქალაქო პასუხისმგებლობით არიან აღჭურვილი ვიდრე ბევრი პოლიტიკოსი და მართალი ხართ, რომ ხშირად პოლიტიკური პროცესი ისე მიმდინარეობს, რომ ელემენტარული წესები, პოლიტიკოსები სხვებისთვის მაგალითი უნდა იყვნენ, პირბადის ტარების და დისტნციის დაცვის ნაწილში, ზოგიერთი პირიქით აკეთებს ამას, გამაღიზიანებლად, მაგრამ დარწმუნებული ვარ, რომ მოქალაქეები ამას არჩევნების დღეს შეაფასებენ. მთავარია ამან ეპიდემმიოლოგიურად არ გაგვირთულოს სიტუაცია. გეთახმებით, რომ 200 ადამიანზე მეტი, ეს შეზღუდვა არსებობს, მათ შორის ღია სივრცეში, აუცილებლად დისტანცია და პირბადე უნდა იყოს დაცული, 16 000 ადამიანის ერთ სივრცეში ყოფნა ღია იყოს თუნდაც, რამდენადაც მძიმე არ უნდა იყოს, მე მესმის მათი გულგატეხილობა, მეც მასე ვარ, თქვენ ხო დარწუნებული ხართ, რომ ამ თამაშზე მეც ვიქნებოდი მათთან ერთად, მაგრამ სამწუხარო რეალობაა. ჩვენი ფეხბურთელების და მოთამაშეების მოტივაცია გამარჯვების, უფრო მეტი იქნება, როდესაც ამხელა ენერგიაა დაგროვილი, დარწმუნებული ვარ, რომ თითოეული მათგანი ამ ენერგიას იგრძნობს“, - განაცხადა პრემიერმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა