აჭარის ავტონომიური რესპუბლიკის მთავრობის მეთაურის, თორნიკე რიჟვაძის განცხადებით, აჭარაში კორონავირუსის გავრცელების მხრივ სიტუაცია მართვადია.

რიჟვაძის თქმით, კონტაქტების მოძიება და მათთვის ლაბორატორიული ნიმუშების აღება ეფექტურად ხორციელდება.

„დაახლოებით, 500-მდე პაციენტი იმყოფება ჰოსპიტლებში, ამასთანავე, ახალი პროტოკოლით, დაახლოებით 500 ადამიანის მართვა ხდება ე.წ. კოვიდ სასტუმროებში. აღსანიშნავია, რომ ჩვენი მედიკოსები მუშაობენ ძალიან ეფექტურად და, შესაბამისად, არ გვაქვს რაიმე მძიმე შემთხვევები, თუმცა უნდა აღინიშნოს, რომ გვაქვს გარკვეული რაოდენობა პნევმონიების, რომელიც არის ყურადსაღები.

სიტუაცია მართვადია, ხდება კონტაქტების მოძიება, მათთვის ლაბორატორიული ნიმუშების აღება და, შესაბამისად, ჩვენ ეს გვაძლევს საშუალებას, რომ გამკაცრებულ კონტროლთან ერთად ვირუსი ვმართოთ ეფექტურად და არ იყოს უკონტროლო გავრცელება", - განაცხადა რიჟვაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს