2020-09-02 13:41:55, 3102 ნახვა
სამართალი
თამარ ბაჩალიაშვილის ავტომობილში ნაპოვნ მეხსიერების ბარათს ექსპერტიზა ჩაუტარდება
თამარ ბაჩალიაშვილის ავტომობილში ნაპოვნ მეხსიერების ბარათს ექსპერტიზა ჩაუტარდება. ექსპერტიზა ჩაუტარდება ბაჩალიაშვილების სახლიდან ამოღებულ ინტერნეტის მოდემსაც.
როგორც ცნობილია, ექსპერტიზას ადვოკატი და ბაჩალიაშვილის ოჯახის წევრები დაესწრებიან.
ცნობისთვის, დღეს ბაჩალიაშვილის ოჯახის ადვოკატმა, მიხეილ რამიშვილმა განაცხადა, რომ გარდაცვლილის ავტომობილში იპოვეს გაურკვეველი მეხსიერების ბარათი. მისი თქმით, ეს ის ფლეშკა არაა, რომელიც გარდაცვლილს თან ჰქონდა და რომელსაც დღემდე ეძებენ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
