ჩინეთში ავსტრალიის მოქალაქე, ჟურნალისტი დააკავეს, დაკავების მიზეზი უცნობია

2020-09-01 20:08:25, 3879 ნახვა

მსოფლიო

პეკინში ჩინეთის ერთ-ერთი უმსხვილესი სახელმწიფო მედიის CCTV-ის საერთაშორისო განშტოების, CGTN-ში მომუშავე ცნობილი ჟურნალისტი, ავსტრალიის მოქალაქე, ჩენგ ლეი, დააკავეს.

ჟურნალისტის შესახებ ყოველგვარი ინფორმაცია ჩინური მედიის სოციალური ქსელებიდან გაქრა.

გავრცელებული ინფორმაციით, ავსტრალიის მთავრობამ მისი მოქალაქის დაკავების შესახებ 14 აგვისტოს გაიგო, თუმცა დღემდე უცნობი რჩება მათთვის დაკავების მიზეზები

ავსტრალიის საგარეო საქმეთა სამინისტრომ აღნიშნა, რომ მათთვის დაკავების ყველა დეტალი ამ დრომდე უცნობი რჩება.

ჩინეთის საგარეო საქმეთა სამინისტრომ აღნუშლ თემასთან დაკავშირებით კომენტარის გაკეთება არ ისურვა და მხოლოდ ის აღნიშნა, რომ ჩინეთსა და ავსტრალიას შორის არსებულ ურთიერთობას საფრთხე არ უნდა შექმნას.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,