2020-08-17 14:44:54, 1172 ნახვა
საზოგადოება
ხვალიდან საქართველოში ტემპერატურის მატებაა მოსალოდნელი
გარემოს ეროვნული სააგენტოს ინფორმაციით, 21 აგვისტომდე საქართველოს ცალკეულ რაიონში შესაძლოა მცირე წვიმა და ელჭექი აღინიშნოს.
სინოპტიკოსების პროგნოზით, ჰაერის ტემპერატურა 17 აგვისტოს დაბლობსა და ბარში +23, +28 გრადუსი დაფიქსირდება, ხოლო 18 აგვისტოდან +27, +32 გრადუსამდე მოიმატებს.
რაც შეეხება დედაქალაქს, თბილისში 17-18 აგვისტოს შესაძლოა ხანმოკლე წვიმა აღინიშნოს, 19-20 აგვისტოს კი უმეტესად უნალექო ამინდია მოსალოდნელი. ჰაერის ტემპერატურა 17-18 აგვისტოს +26, +28 გრადუსი იქნება, 19-20 აგვისტოს კი +30, +32 გრადუსამდე მოიმატებს.
ავტორი: ექსპრესნიუსი,
epn.ge (@expressnews.ge)
