2020-07-13 17:40:54, 3419 ნახვა
კომენტარი
მდინარაძე „გირჩზე“ - ეს ადამიანები ბევრს ეწევიან და სჯობს, ცოტა მოუკლონ
„ეს ადამიანები ბევრს ეწევიან და სჯობს, ცოტა მოუკლონ“, - ასე გამოეხმაურა საპარლამენტო უმრავლესობის ლიდერი მამუკა მდინარაძე „გირჩის“ ინიციატივას, რომ საპარლამენტო არჩევნებზე ამომრჩეველთა წასახალისებლად Tesla-ას ავტომობილებს გაათამაშებს.
მისი თქმით, არის თუ არა ეს მოსყიდვა, ამაზე მას შემდეგ იმსჯელებენ, რაც „გირჩი“ რეალურად შეუდგება საქმის კეთებას.
„არის თუ არა მოსყიდვა, ამაზე მერე ვიმსჯელოთ, როცა რეალურად შეუდგებიან საქმეს და ვთქვათ, თუ რამდენად შეიცავს ის კონკრეტული ქმედების ნიშნებს, რაც არ ჯდება კანონში. ამ ეტაპზე მხოლოდ ის შეგვიძლია ვთქვათ, რომ ეს ადამიანები ბევრს ეწევიან და სჯობს, ცოტა მოუკლონ“, - განაცხადა მდინარაძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
