2015-09-01 11:05:27, 487 ნახვა
პოლიტიკა
მთავრობაში მორიგი საკადრო ცვლილებები განხორციელდა
საქართველოს მთავრობაში მორიგი საკადრო ცვლილებები განხორციელდა.
როგორც პრემიერ-მინისტრმა ირაკლი ღარიბაშვილმა დღეს გამართულ ბრიფინგზე განაცხადა, საგარეო საქმეთა მინისტრის პოსტი თამარ ბერუჩაშვილმა დატოვა და მას ეკონომიკის უკვე ყოფილი მინისტრი, ვიცე პრემიერი გიორგი კვირიკაშვილი შეცვლის.
ეკონომიკის მინისტრის პოსტს, თბილისის ვიცე-მერი დიმიტრი ქუმსიშვილი დაიკავებს. რაც შეეხება თამარ ბერუჩაშვილს, როგორც პრემიერმა აღნიშნა, თუ სად გააგრძელებს მუშაობას ის, ამას ახალი მინისტრი გადაწყვეტს.
დღევანდელი ცვლილებების გამო, პარლამენტის მიერ მთავრობისთვის ნდობის გამოცხადება საჭირო არ არის.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
