რა იყო ეს? დასჯა თუ სამაგიეროს გადახდა?  - დამოუკიდებელმა დეპუტატმა, ეკა ბესელიამ პრემიერ-მინისტრ გიორგი გახარიას კითხვა დაუსვა იმასთან დაკავშირებით თუ ვინ გაავრცელა მისი პირადი ცხოვრების ამსახველი კადრები.

ბესელია აღნიშნავს, რომ აღნიშნული კადრების გავრცელებიდან წელიწადი და 5 თვე გავიდა და დღემდე არ იცის ვინ ჩაიდინა აღნიშნული მაშინ, როდესაც მას გახარია დაჰპირდა საქმის გამოძიებას.

„ბვფიქრობდი რომელი საკითხით დამეწყო კითხვის დასმა. ღირდა თუ არა საერთოდ ამ კითხვის დასმა ახლა რასაც გკითხავთ. მაგრამ ბოლოს მაინც გადავწყვიტე. ეს ჩემი შინაგანი განწყობაა და არ ვიქნები გულწრფელი ახლა სხვა საკითხებზე გესაუბროთ. რადგან ეს ბოლო ანგარიშია თქვენი ამ მოწვევის პარლამენტში, ამ პარლამენტისთვისაც ბოლო ანგარიშია და არ მინდა ეს პარლამენტი ისე დასრულდეს, რომ ეს კითხვა საჯაროდ არ დავსვა, მით უფრო, რომ ამ კითხვაზე პასუხს თქვენ დამპირდით ამის წინის წინის წინა მოხსენების დროს.

ეს არის თემა, რომელმაც მე, პირადად, ბევრი გადაწყვეტილება და ბევრი რამ შემიცვალა. აქ არიან, მათ შორის მთავრობის ის წევრები, რომლებიც, შესაძლოა, იყვნენ დაკავშირებული ამ საკითხთან. ამ საანგარიშო პერიოდში თქვენ იყავით შს მინისტრი, როდესაც უმრავლესობის დეპუტატის მიმართ, პარლამენტის წევრის მიმართ გავრცელდა სააკაშვილის ხელისუფლების დროს ჩაწერილი უკანონო ჩანაწერები. ეს მოხდა თქვენი შინაგან საქმეთა მინისტრობის პერიოდში. გავიდა 1 წელი და 5 თვე. თქვენ თქვით, რომ მეტყოდით, ვინ ჩაიდინა ეს დანაშაული. არ მითხრათ, რომ ეს საქმე გახსნილია, რადგან ეს საქმე გახსნილი არ არის და ამ კითხვაზე პასუხი არ მიმიღია. გეკითხებით - ვინ დაგეგმა ის დანაშაული და რა მიზანი ჰქონდა იმ დანაშაულის დაგეგმვას და რატომ დაემთხვა ის იმ პერიოდს, როდესაც ჩვენ გვქონდა უმწვავესი კონფლიქტი მოსამართლეთა 10 კაციანი სიის გამო.

რა იყო ეს? დასჯა, სამაგიეროს გადახდა, ანგარიშსწორება თუ გაფრთხილება ყველა დანარჩენის მიმართ, ვინც გაბედავდა აირჩევდა იმ ფორმას პროტესტისა, რაც მე ავირჩიე?! მე ამ კითხვაზე პასუხს აუცილებლად მივიღებ, რა დროც არ ნდა დასჭირდეს ამას, მაგრამ მე თქვენ მინდა გკითხოთ, ვინ და რატომ დაგეგმა ეს დანაშაული. ქალბატონ მაიასთან უკაცრავად, მე ნამდვილად ვუფრთხილდები მის ნერვებს, მაგრამ მე ამ კითხვაზე პასუხს მოვითხოვ და არ დავიღლები, ვიდრე არ გავიგებ კონკრეტულ სახელს და გვარს, არა კოლექტიურს, კონკრეტულს, არამედ კონკრეტულს და ეს იმისთვის, რომ ელემენტარულად ამ ქვეყანაში რაიმეს ფასი ჰქონდეს და ", - განაცხადა ეკა ბესელიამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს